logo

Soňky täzelikler:
✦ Gahryman Arkadagymyz COP31-iň Liderler sammitine gatnaşdy ✦ ✦ COP31: Howanyň geljegi üçin dünýäni birleşdirýän maslahat ✦ ✦ COP31 maslahatynda suw serişdelerini rejeli peýdalanmaklyga aýratyn üns berildi ✦ ✦ COP31 maslahatynyň çäklerinde Awaza maksatnamasyny durmuşa geçirmek barada tematiki sessiýa geçirildi ✦ ✦ Merkezi Aziýa üçin howa tehnologiýalarynyň sebit merkezi Aşgabatda ýerleşer ✦ ✦ Antalýada dünýäniň ünsüni özüne çeken COP31 maslahaty öz işine başlady ✦ ✦ Merkezi Aziýa üçin howa tehnologiýalarynyň sebit merkeziniň esasy maksady ylmy-tehniki hyzmatdaşlygy ösdürmek ✦ ✦ Hormatly Prezidentimiz güýzki ählihalk bag ekmek möwsümine badalga berdi ✦ ✦ Söz baýlygy aýdyň pikiriň açary ✦ ✦ “Aşgabat – Daşoguz” awtomobil ýoluny gurmak barada şertnama baglaşmaga ygtyýar berildi ✦
Baş sahypa / Syýasat /Belgiýa bilen Merkezi Aziýa ýurtlarynyň arasynda hyzmatdaşlyk ösdürilýär
  27.01.2026
498
Belgiýa bilen Merkezi Aziýa ýurtlarynyň arasynda hyzmatdaşlyk ösdürilýär

Türkmenistanyň Belgiýa Patyşalygyndaky Ilçisi Sapar Pälwanow Merkezi Aziýa ýurtlarynyň we Mongoliýanyň ilçileri bilen bilelikde Belgiýanyň Wekiller palatasynyň Prezidenti Piter De Ruwer bilen geçirilen duşuşyga gatnaşdy.

 

Duşuşygyň dowamynda Belgiýa bilen sebitiň döwletleriniň, şol sanda Türkmenistanyň arasynda hyzmatdaşlygy ösdürmegiň mümkinçilikleri ara alnyp maslahatlaşyldy. Taraplar parlamentara gatnaşyklaryň ähmiýetine, şeýle-de ulag, energetika, howanyň üýtgemegi we bilim ulgamlaryndaky hyzmatdaşlygyň geljegine aýratyn üns berdiler.

 

2026-njy ýylyň 22-nji ýanwarynda Brýusselde geçirilen bu duşuşykda halklaryň we ýaşlaryň arasynda gatnaşyklary pugtalandyrmagyň, şeýle hem bilim we medeniýet ulgamlarynda hyzmatdaşlygyň uzak möhletleýin gatnaşyklaryň esasy binýady bolup durýandygy nygtaldy.

 

Belgiýanyň Wekiller palatasy ýurduň federal parlamentiniň aşaky palatasy bolup, kanun çykarmak, halkara şertnamalary tassyklamak we parlamentara hyzmatdaşlygy ösdürmek ýaly möhüm wezipeleri ýerine ýetirýär.

 

Jeren ATAMURADOWA,

S.A.Nyýazow adyndaky Türkmen oba hojalyk
uniwersitetiniň talyby.