Hormatly Prezidentimiziň taýsyz tagallalarynyň netijesinde ak bazarlarymyzda, söwda nokatlarymyzda azyk bolçulygynyň derejesi ep-esli artdy. Pagtanyň we bugdaýyň döwlet satyn alyş nyrhlarynyň ýokarlanmagam muňa özüniň oňyn täsirini ýetirdi.

Ýere ykbalyny baglan edermen daýhanlar häzirki günlerde özleriniň jogapkärli işlerinde depginini gowşatman zähmet çekýärler. Halkymyzyň isleg bildirýän azyk önümleriniň bol hasylyny ýetişdirmekde, ony isripsiz ýygnap almakda, bu ugurda ylmyň we tejribäniň soňky gazananlaryna salgylanyp hereket etmekde topar ýolbaşçylary, daýhan hojalygynyň ýolbaşçylary we bagbanlar önjeýli işleri amal edýärler. Olaryň alyp barýan irginsiz zähmeti özüniň netijeliligi bilen tapawutlanýar. Janypkeş daýhanlaryň yhlasyndan dörän gök önümleri hem-de beýleki harytlary terligine alyjylara ýetirmek bolsa bazarlar birleşikleriniň satyjylarynyň paýyna düşýär.

Gündelik durmuşymyzda gerek bolan ýeralma, sogan, käşir, kelem, pomidor, hyýar ýaly harytlar geçginliligi bilen tapawutlanýar. Bulardan başgada ir-iýmişler, dürli hili maňyzlar, hozlar, erik kişdeleri we guradylan önümler halkymyza hödürlenýär. Geljekde hem alyjylaryň islegleri göz öňünde tutulyp, harytlaryň mukdarynyň artjakdygyna ynanýarys.

Maýsa BEKIÝEWA,

Türkmenistanyň Daşary işler ministrliginiň

Halkara gatnaşyklary institutynyň talyby.