logo

Soňky täzelikler:
✦ Dil bilen dünýäni gezer ✦ ✦ Ýaşlar — Watanymyzyň geljegi ✦ ✦ Bilim bermekde okuwçynyň pikirleniş ukybyny ösdürmek möhümdir ✦ ✦ Garabogaz - Gazagystan serhetýaka awtomobil ýolunyň 44 kilometrlik bölegi açyldy ✦ ✦ Daşoguzda ýylda 700 müň tonna azotly dökün öndürjek toplum gurlar ✦ ✦ Daşoguzda pagta çigidini gaýtadan işleýän täze kärhana gurlar ✦ ✦ Aşgabat - Daşoguz awtomobil ýoly täze tapgyrda ulanylmaga beriler ✦ ✦ Daşoguz welaýatynda ulag we senagat ösüşiniň täze taslamalaryna badalga berildi ✦ ✦ Ykdysadyýetiň görnüşleriniň ösüşi ✦ ✦ Ylym-bilim ulgamynda sanly tehnologiýalar ✦
Baş sahypa / Medeniýet /AÝDYM-SAZLY DABARA
  19.03.2020
1085
AÝDYM-SAZLY DABARA

        Ahal welaýatynyň Babadaýhan etrabynyň iri jemgyýetçilik guramalary, Türkmenistanyň Gyzylýarymaý milli jemgyýetiniň Ahal welaýat bölümi, etrabyň A.Orazdurdyýew adyndaky 3-nji orta mekdebinde şanly Bitaraplygymyzyň 25 ýyllygy mynasybetli “Türkmenistan-Bitaraplygyň mekany, dünýä joşgun beren ajap mukamy” ady bilen aýdym-sazly dabara geçirildi. Gyzykly hem-de täsirli geçen dabara etrabyň orta mekdepleriniň ilkinji ýaşlar guramalarynyň ýolbaşçylary, mekdebiň dürli bäsleşiklerde ýeňiji bolan okuwçylary gatnaşdylar.

        Dabarada gutlag sözleri bilen çykyş edenler ,,Türkmenistan-Bitaraplygyň mekany” ýylynda ýurdumyzda alnyp barylýan tutumly işler, ýetilen belent sepgitler hakynda buýsanç bilen aýtdylar. Hormatly Prezidentimiziň alyp barýan parahatçylyksöýüjilikli içeri hem-de daşary syýasatyny wagyz etmekde jemgyýetçilik guramalarynyň mynasyp işleri bitirýändiklerini belläp geçdiler. Garaşsyz, hemişelik Bitarap Türkmenistan Watanymyzy gülledip ösdürmekde ähli tagallalary edýän Gahryman Arkadagymyzy alkyşladylar.

        Aýdym-sazly dabarada 3-nji orta mekdebiň çeper höwesjeňleri ,,Bitarap Watanym-eziz mekanym” atly edebi-sazly kompazisiýany görkezdiler. Olaryň degişme sahnalary-da gyzgyn garşylandy. Akwekil geňeşliginiň medeniýet öýüniň aýdymçysy Ulugberdi Orazberdiýewiň aýdan aýdymlary, ýaş tansçylaryň ýerine ýetiren ,,Palaw tansy” , ,,Çapyksuwaryň tansy”, ,,Küştdepdi” tansy bu ýere gelen myhmanlaryň göwünlerini göterdi.

        Baýramçylyk mynasybetli geçirilen aýdym-sazly dabaranyň ahyrynda dürli bäsleşiklerde ýeňiji bolan ýaş mugallymlara hem-de mekdep okuwçylaryna Gyzylýarymaý milli jemgyýetiniň welaýat bölüminiň hem-de etrabyň iri jemgyýetçilik guramalarynyň hormat hatlary, ýadygärlik sowgatlary gowşuryldy.