logo

Soňky täzelikler:
✦ Gahryman Arkadagymyz COP31-iň Liderler sammitine gatnaşdy ✦ ✦ COP31: Howanyň geljegi üçin dünýäni birleşdirýän maslahat ✦ ✦ COP31 maslahatynda suw serişdelerini rejeli peýdalanmaklyga aýratyn üns berildi ✦ ✦ COP31 maslahatynyň çäklerinde Awaza maksatnamasyny durmuşa geçirmek barada tematiki sessiýa geçirildi ✦ ✦ Merkezi Aziýa üçin howa tehnologiýalarynyň sebit merkezi Aşgabatda ýerleşer ✦ ✦ Antalýada dünýäniň ünsüni özüne çeken COP31 maslahaty öz işine başlady ✦ ✦ Merkezi Aziýa üçin howa tehnologiýalarynyň sebit merkeziniň esasy maksady ylmy-tehniki hyzmatdaşlygy ösdürmek ✦ ✦ Hormatly Prezidentimiz güýzki ählihalk bag ekmek möwsümine badalga berdi ✦ ✦ Söz baýlygy aýdyň pikiriň açary ✦ ✦ “Aşgabat – Daşoguz” awtomobil ýoluny gurmak barada şertnama baglaşmaga ygtyýar berildi ✦
Baş sahypa / Jemgyýet /ALABAÝ ITLERI ÜÇIN DÖWREBAP DESGALAR TOPLUMY
  19.09.2019
4373
ALABAÝ ITLERI ÜÇIN DÖWREBAP DESGALAR TOPLUMY

    Düýn Ahal welaýatynyň Ak bugdaý etrabynyň çäginde alabaý itlerini ösdürip ýetişdirýän “Türkmen alabaý itleri” hojalyk jemgyýetiniň binalar toplumynyň açylyş dabarasy boldy. Mukaddes Garaşsyzlygymyzyň şanly 28 ýyllyk toýunyň dabaralaryna baý öwüşgin goşan bu waka welaýatyň uludan kiçä ähli ilatynyň şatlygyna şatlyk goşdy.

    “Senagat” Paýdarlar täjirçilik bankynyň buýurmasy esasynda gurlan binalar toplumy 1 gektar meýdany eýeleýär. Onuň çäginde türkmeniň alabaý itlerini ylmy esasda  ösdürip ýetişdirmek üçin ähli zerur şertler göz öňüne tutulypdyr. Ol ýerde itler nahar taýýarlaýan, suwa düşülýän arassaçylyk otaglary, weterinar gulluk binasy, itleri gezdirmek we türgenleşdirmek üçin üsti ýapyk meýdança, tehniki, hojalyk we ammar binalary bolup, olar ýokary derejede enjamlaşdyrylandyr.

     Alabaý itlerini ösdürip ýetişdirýän hojalyk jemgyýetiniň häzirki zaman binalar toplumynyň desgalarynda uly itleriň 40-sy, kiçi itleriň 30-sy üçin ýerler göz öňüne tutulypdyr. 

    Dabara gatnaşyjylar toplumyň çägindäki desgalar bilen içgin tanyşdylar we onuň giň mümkinçiliklerine ýokary baha berdiler. Olar  milli buýsanjymyz bolan alabaý itlerini ylmy esasda öwrenmek ugrundaky tagallalar üçin hormatly Prezidentimiziň adyna alkyş sözlerini aýtdylar.