Daýhanlar üçin häzirki wagtda jogapkärli döwür dowam edýär. Ýerlerde ekinlere ideg etmek, öňde durýän galla oragyna taýýarlyk görmek işlerine giň gerim berilýär. Geçen ýylyň güýzünde irki ekiş geçirilen meýdanlarda kemala gelen bitginli bugdaý hasylyny ýetişdirmek ugrynda işler has gyzgalaňly alnyp barylýar. Bu ugurda Tejen etrabynyň çäginde ekerançylyk meýdanlaryna bugdaýyň “Batko”, “Kalym” we “Bagrat” ýaly eýýän iş ýüzünde netijesi ýokary sortlary ekildi. Häzirki wagtda ekin meýdanlarynda ideg etmekde gallaçy daýhanlar yhlaslaryny gaýgyrmaýarlar.

      Şeýle hem häzirki günlerde ekinlere mineral dökünler bilen goşmaça iýmitlendirmek, ösüş suwyny tutmak, ak ekinli meýdanlaryň haşal otlaryna, kesellerine we zyýankeşlerine garşy göreş çärelerini geçirilýär. Ekin meýdanda ýokarda agzalan sortlarynyň köpçülikleýin ekilendigini, olaryň tohum arassalygyny üpjün etmek ugrunda ýadawsyz aladalar edilýär. Şu günler sünbüle duran ekerançylyk meýdanlary diýseň owadan görünýär. Olar şemal ugruna yrgyldaşyp daýhanyň ruhuny göterýär.  

         Şu ýyl Tejenli gallaçylar döwlet harmanynan 86 müň tonnadan gowrak guşgursak ak bugdaý taýýarlamakdan ybarat bolup, bu belent sepgide abraý bilen ýetjekdiklerine ynanýarlar.