10-njy sentýabrda ýurdumyzyň ähli welaýatlarynda pagta ýygymyna girişildi. Hormatly Prezidentimiziň ak patasy bilen badalga alan möwsüm oba hojalyk pudagynyň we milli ykdysadyýetimiziň ösüşinde möhüm ähmiýete eýe boldy.

Ýaşulularyň doga-dilegleri bilen başlanýan bu asylly zähmet dabarasy ýurdumyzda giň gerimli özgertmeleriň netijesidir. Döwrebap suwaryş ulgamlary, täze tehnikalar, sanly tehnologiýalaryň ornaşdyrylmagy pagtaçylaryň işini ýeňilleşdirýär.

Meýdanlarda döwrebap kombaýnlar we ulag kerwenleri işjeň peýdalanylýar. Pagta kabul ediş bölümlerine ilkinji «ak altyn» gelip gowuşdy. Şonuň bilen birlikde sergiler guraldy, öňdebaryjy kärendeçilere gymmat bahaly sowgatlar gowşuryldy.

Pagta ýygymy diňe bir ykdysady ähmiýetli däl, eýsem milli zähmet däplerimiziň dowamydyr. Bu möwsüm ýurdumyzyň ösüş ýolundaky nobatdaky üstünlikleriň alamaty bolup çykyş edýär.

Oguljan AMANGULIÝEWA,
S.A.Nyýazow adyndaky TOHU-niň talyby.