logo

Soňky täzelikler:
✦ Gahryman Arkadagymyz COP31-iň Liderler sammitine gatnaşdy ✦ ✦ COP31: Howanyň geljegi üçin dünýäni birleşdirýän maslahat ✦ ✦ COP31 maslahatynda suw serişdelerini rejeli peýdalanmaklyga aýratyn üns berildi ✦ ✦ COP31 maslahatynyň çäklerinde Awaza maksatnamasyny durmuşa geçirmek barada tematiki sessiýa geçirildi ✦ ✦ Merkezi Aziýa üçin howa tehnologiýalarynyň sebit merkezi Aşgabatda ýerleşer ✦ ✦ Antalýada dünýäniň ünsüni özüne çeken COP31 maslahaty öz işine başlady ✦ ✦ Merkezi Aziýa üçin howa tehnologiýalarynyň sebit merkeziniň esasy maksady ylmy-tehniki hyzmatdaşlygy ösdürmek ✦ ✦ Hormatly Prezidentimiz güýzki ählihalk bag ekmek möwsümine badalga berdi ✦ ✦ Söz baýlygy aýdyň pikiriň açary ✦ ✦ “Aşgabat – Daşoguz” awtomobil ýoluny gurmak barada şertnama baglaşmaga ygtyýar berildi ✦
Baş sahypa / Oba hojalygy /Ahal welaýatynda täze pomidor ýyladyşhanasy açyldy
  27.10.2026
181
Ahal welaýatynda täze pomidor ýyladyşhanasy açyldy

Ahal welaýatynyň Kaka etrabynyň Watan daýhan birleşiginiň çäginde ýerleşýän «Haýyrly senagat» hususy kärhanasynda pomidor ösdürip ýetişdirmäge niýetlenen täze ýyladyşhana toplumy işe girizildi.

 

Täze toplumyň umumy meýdany 22 gektara barabar bolup, kärhananyň çäginde miweli baglary ösdürip ýetişdirmek üçin goşmaça 3 gektar ýer hem bölünip berildi.

 

Ýyladyşhana dünýäniň öňdebaryjy önüm öndürijileriniň döwrebap enjamlary bilen üpjün edildi. Toplumda ornaşdyrylan awtomatlaşdyrylan kompýuter dolandyryş ulgamy ösümlikleriň kadaly ösmegi üçin zerur bolan temperatura, çyglylyk we beýleki şertleri gözegçilikde saklamaga mümkinçilik berýär. Bu ýerde öndüriljek pomidorlar içerki bazara iberilmek we daşary ýurtlara eksport etmek üçin niýetlenendir.

 

Täze ýyladyşhana toplumynyň açylyş dabarasyna Türkmenistanyň Mejlisiniň deputatlary, Ahal welaýatynyň we Kaka etrabynyň häkimlikleriniň, jemgyýetçilik guramalarynyň wekilleri, ýaşulular hem-de ýaşlar gatnaşdylar.

 

«Haýyrly senagat» hususy kärhanasynyň resmi web sahypasynda ýerleşdirilen maglumatlara görä, kärhana 2020-nji ýylda döredilip, oba hojalyk önümçiligi, şol sanda ýyladyşhana şertlerinde pomidor ösdürip ýetişdirmek bilen meşgullanýar. Mundan başga-da, kärhananyň iş ugurlaryna dokma senagaty we halkara bölek satuw söwdasy girýär.

 

Ýazjemal ARÇALYÝEWA,
Türkmen döwlet maliýe institutynyň talyby.