logo

Soňky täzelikler:
✦ Dil bilen dünýäni gezer ✦ ✦ Ýaşlar — Watanymyzyň geljegi ✦ ✦ Bilim bermekde okuwçynyň pikirleniş ukybyny ösdürmek möhümdir ✦ ✦ Garabogaz - Gazagystan serhetýaka awtomobil ýolunyň 44 kilometrlik bölegi açyldy ✦ ✦ Daşoguzda ýylda 700 müň tonna azotly dökün öndürjek toplum gurlar ✦ ✦ Daşoguzda pagta çigidini gaýtadan işleýän täze kärhana gurlar ✦ ✦ Aşgabat - Daşoguz awtomobil ýoly täze tapgyrda ulanylmaga beriler ✦ ✦ Daşoguz welaýatynda ulag we senagat ösüşiniň täze taslamalaryna badalga berildi ✦ ✦ Ykdysadyýetiň görnüşleriniň ösüşi ✦ ✦ Ylym-bilim ulgamynda sanly tehnologiýalar ✦
Baş sahypa / Sport /Ahal welaýatynda çagalaryň gatnaşmagynda sport çäresi geçirildi
  17.01.2026
1751
Ahal welaýatynda çagalaryň gatnaşmagynda sport çäresi geçirildi

Ahal welaýatynyň Gökdepe etrabynyň Babarap geňeşliginde ýerleşýän Sport mekdebiniň meýdançasynda çagalaryň futbol festiwaly geçirildi. Onlarça ýaş türgeni özünde jemlän bu sport çäresiTürkmenistanyň Futbol federasiýasy tarapyndan Sport mekdebiniň ýolbaşçylygy bilen bilelikde guraldy. Bu barada Türkmenistanyň habarlar portaly habar berýär.

 

Festiwalyň maksatnamasy işjeň we mazmunly bolup, onuň çäklerinde ýaş futbolçylar türgenleşik hem-de oýun sapaklaryna gatnaşdylar. Tälimçiler topa erk etmek, duýgurlyk, hereketleriň utgaşyklygy we toparlaýyn işlemek ukyplaryny ösdürmäge aýratyn üns berdiler. Çäräniň görnüşi çagalara diňe bir öz ukyplaryny görkezmäge däl, eýsem hünärmenlerden gymmatly maslahatlary almaga-da mümkinçilik berdi.

 

Festiwalyň ahyrynda dabaraly sylaglama çäreleri geçirildi. Oňa gatnaşan çagalaryň ählisine Türkmenistanyň Futbol federasiýasy tarapyndan futbol topy sowgat berildi.

 

Şeýle ýaly çäreler eýýäm asylly däbe öwrüldi: mundan ozal futbol festiwallary paýtagtymyzyň ýöriteleşdirilen sport mekdeplerinde, Aşgabat şäheriniň Bedenterbiýe we sport baradaky baş müdirliginde, «Olimp» sport mekdebinde we Türkmenistanyň IIM-niň «Köpetdag» köpugurly sport toplumynda üstünlikli geçirilipdi.

 

Guramaçylar şeýle çäreleriň köpçülikleýin sporty wagyz etmekde esasy orun eýeleýändigini we geljekde milli ýygyndy toparlaryň hataryny dolduryp biljek zehinli oýunçylary irki döwürde ýüze çykarmaga kömek edýändigini belleýärler.

 

Myrat YLÝASOW,

Türkmenistanyň Döwlet energetika
institutynyň mugallymy.