Golaýda, Italiýanyň Bolonýa şäherinde «2022-nji ýylyň traktory» ady bilen geçirilen halkara bäsleşiginiň jemi jemlenildi. Bu bäsleşige dünýäniň 25 döwletinden gelen agrosenagat işgärleri we köpçülikleýin habar beriş serişdeleriniň wekilleri gatnaşdylar.

Bäsleşigiň emin agzalarynyň gelen çözgütlerine görä, «John Deere» kompaniýasynyň oba hojalyk tehnikalary birbada iki ugur (nominasiýa) boýunça ýeňiji diýlip yglan edildi.

Şeýlelikde, «John Deere 7R 350 AutoPowr» kysymly traktor «Ýylyň iň gowy uniwersal traktory» diýen ada, «John Deere 6120M AutoPowr» kysymly oba hojalyk tehnikasy bolsa, «Ýylyň iň köp önjeýli işleýän ykjam tehnikasy» diýen ada mynasyp bolup, bäsleşikde ýeňiş gazandylar.