Şu ýylyň iýul aýynda “Balkan” gämi gurluşyk we abatlaýyş zawody” açyk görnüşli paýdarlar jemgyýeti (AGPJ) bilen Koreýa Respublikasynyň “Koryo Shipbuilding Industry Technology Co. Ltd.” kompaniýasy iki sany gury ýük gäminiň gurluşygyna başlar.

Bu barada Türkmenistanyň resmi metbugatynyň habar bermegine görä, “Balkan” gämi gurluşyk we abatlaýyş zawody” AGPJ bilen Koreýa Respublikasynyň “Koryo Shipbuilding Industry Technology Co. Ltd.” kompaniýasynyň arasynda ýük göterijiligi 6 müň 100 tonna deň bolan iki sany gury ýük gämisini taslamalaşdyrmak we bilelikde gurmak babatda degişli şertnamalar baglaşylyp, häzirki wagtda täze gämileriň gurluşygyna girişmek boýunça taýýarlyk işleri alynyp barylýar.