“Magtymguly Pyragy” muzeýiniň mejlisler jaýynda «Magtymguly – geçmişimiz, şu günümiz we geljegimizdir» atly ylmy-amaly maslahatyň çägindäki bölümçeler öz işini jemledi we maslahatyň jemi jemlendi.

Maslahatyň jemine görä, bölümçäni alyp baranlar öz bölümçeleriniň işiniň netijeleri boýunça  çykyş etdiler.

Ylmy-amaly maslahatyň ahyrynda oňa gatnaşanlar milli mirasymyzy öwrenmekde, dünýä jemgyýetçiligine ýaýmakda, halkymyzyň asylly ýol-ýörelgelerini, edim-gylymlaryny ýaşlara miras galdyrmakda giň gerimli işleri durmuşa geçirýän hem-de Pyragynyň arzuwlan döwletiniň, ajaýyp zamanasynyň abraý-mertebesini tug deýin göterip, halkymyzy ýagty geljege sary ynamly öňe alyp barýan türkmen halkynyň Milli Lideri Gahryman Arkadagymyza hem-de hormatly Prezidentimiz Arkadagly Gahryman Serdarymyza tüýs ýürekden alkyş sözlerini beýan etdiler.