Ahal welaýaty
logo

Soňky täzelikler:
✦ Gender deňligini ösdürmekde Türkmenistanyň alyp barýan işleri ✦ ✦ Роль цифровых решений в современном мире ✦ ✦ «Halkara parahatçylyk we ynanyşmak ýyly – sport parahatçylygyň ilçisi» atly dabaraly hoşallyk maslahaty geçirildi ✦ ✦ Ýaşyl ykdysadyýete geçmek ýurdumyzyň möhüm ugry ✦ ✦ Rumyniýada “Türkmenistanyň Bitaraplygynyň 30 ýyllygy ” atly halkara maslahat geçirildi ✦ ✦ XIV Uniwersiadanyň ýeňijileri sylaglandy ✦ ✦ Merkezi Aziýa geljegiň “energiýa jenneti” bolar ✦ ✦ Türkmen wekiliýeti “Sogd-2025” halkara söwda ýarmarkasyna gatnaşmaga çagyrylýar ✦ ✦ Howanyň üýtgemegi boýunça 7-nji Merkezi Aziýa maslahaty geçirildi ✦ ✦ BMG-niň Merkezi Aziýadaky hemişelik utgaşdyryjylarynyň gatnaşmagynda okuw sapagy geçirildi ✦
Baş sahypa / Sport /Welosport barada kelam agyz...
  07.01.2023
1101
Welosport barada kelam agyz...

Mälim bolşy ýaly, häzirki wagtda ýurdumyzda welosport barha ösdürilýär, onuň bilen gyzyklanýan ýaş nesliň we beýleki dürli ýaşdaky adamlaryň sany barha artýar. Häzirki wagtda welosiped söýüjileriň barha hem artmak bilen, ýer ýüzünde bir ýarym milliarddan gowrak adamyň welosiped sürmegi halaýandygy kesgitlenildi. Ulagyň bu görnüşi ynsanyň gündelik durmuşynyň aýrylmaz bölegine öwrüldi diýen ýaly. Şol bir wagtda welosiped ekologik taýdan arassa ulagdyr. Şonuň üçin hem dünýä ýüzünde oňa bolan gyzyklanma diýseň uludyr. 

Welosiped iň täsirli tehnologiýa serişdeleriniň biri bolup, ol taryhy nukdaýnazardan alanyňda hem has aýdyň duýulýar. Welosipediň kämilleşmegi maşyngurluşyk pudagynyň kämilleşmegini hem öz içine alýar. Welosiped sürmeklik bilen daşky gurşawa ýetirilýän oňyn täsirler artyp, ol global ýylylyga, ozon gatlagynyň ýukalmagyna päsgelçilik döredýär. Onuň köpçülikleýin ulanylmagy biodürlülige zyýanly täsirini ýetirmeýär. Welosiped sürmeklik bilen howa zyňylýan zyýanly garyndylaryň, tozanjyklaryň howadaky mukdary hem ep-esli derejede peselýär. Tutuş dünýä ýüzünde her ýyl Bütindünýä welosiped gününiň geçirilmegi-de welosporta berilýän uly ünsden nyşandyr.

Maglumatlara görä, iň köp welosiped sürýän ilatly ýurt Hytaý hasaplanylýar, emma welosiped sürmeklik Niderlandiýada has-da meşhurdyr. Ýurduň paýtagty Amsterdam şäherine «welosipedleriň şäheri» diýlip ýöne ýere aýdylmaýar. Bu ýerde hemme zat welosiped bilen baglanyşykly bolup, welosipedleriň awtoulaglara bolan gatnaşygy haýran takmynan 300:1 deňdir.

Häzirki wagtda tutuş dünýä ýüzünde sportuň bu görnüşine bolan höwes barha artyp, bu ugurda dürli ýaryşlar yzygider gurnalýar. Şu güne çenli welosiped sürmekde dünýä rekordlary bolup, welosiped sürüjileriň arasynda şu güne çenli täzelenilmedik 2 sany rekord bar, ýagny amerikaly Maýkl Sikrest bir gije-gündizde 1958 km aralygy geçipdir. Daniýanyň raýaty bolan we şol wagt 50 ýaşyndaky Fred Rompelberg bolsa welosipediň tizligini sagatda 268,83 kilometre ýetirmegi başarypdyr. 

 

Maýsa ÝUSUPOWA,

Türkmen oba hojalyk institutynyň talyby.