Türkmen talyplary Katowisedäki halkara olimpiadada üstünlik gazandy
 

Türkmenistanly ýaşlar halkara bilim bäsleşiklerinde üstünlik gazanmagy dowam etdirýärler. Polşanyň Katowise şäherinde 7–10-njy noýabr aralygynda geçirilen halkara matematika olimpiadasynda ýurdumyzyň talyplary jemi 26 medal gazanyp, ýokary netijeleri görkezdi.
 

Bu olimpiada Türkmenistandan, Polşadan, Beýik Britaniýadan, Awstriýadan, Şweýsariýadan, Slowakiýadan, Sloweniýadan, Wengriýadan we Özbegistandan talyplar gatnaşdy. Ýaşlaryň zehin we başarnyklaryny ölçemekde möhüm ähmiýete eýe bolan bu bäsleşikde türkmenistanly talyplar:
 

• 6 altyn medal,
• 9 kümüş medal,
• 11 bürünç medal gazanmagy başardylar.

Altyn medalyň eýeleri:
 

• Balkan Jepbarow, Meňli Rahmedowa, Emir Wellekow, Medine Ödäýewa, Nurmyrat Ataýew, Döwran Myradow.

Kümüş medalyň eýeleri:
 

• Söhbet Maksadow, Hajymuhammet Ataýew, Muhammet Annaýew, Batyr Öwezmyradow, Muhabbat Zafarjanowa, Döwletgeldi Esenow, Daniýar Emirkulyýew, Gurtgeldi Hanow, Gülşat Akmämmedowa.

Bürünç medalyň eýeleri:
 

• Şabibi Nurjanowa, Azymgeldi Şyhow, Ýazjuma Nurjaýew, Gülöwser Gylyçmämmedowa, Baýram Turaýew, Nurmuhammet Goçyýew, Begenç Saparow, Döwlet Nurmyradow, Maksat Akmyradow, Öwezgeldi Mukmyradow, Ramazan Nurýagdyýew.

Ýaşlara döredilýän mümkinçilikler

Türkmenistanda ýaşlaryň döwrebap bilim almaklary, zehinlerini ösdürmekleri üçin ähli mümkinçilikler döredilýär. Milli bilim ulgamy sanly bilim we täzeçil tehnologiýalar bilen baýlaşdyrylýar. Ýaşlarymyzyň dünýä derejesindäki ylmy bäsleşiklerde üstünlik gazanmagy, olaryň täze bilim we tehnologiýalar bilen ýakyndan tanyşmaklaryna-da ýardam berýär.

Häzirki wagtda türkmen talyplary Russiýada, Albaniýada we Özbegistanda geçiriljek halkara matematika olimpiadalaryna işjeň taýýarlyk görýärler. Bu, ýaşlaryň täze üstünliklere wekilçilik etjekdigine uly umyt döredýär.

Çeşme: Türkmenistanyň Bilim Ministrligi

Arslan UMAROW,
Türkmenistanyň Döwlet energetika
institutynyň 3-nji ýyl talyby.