Aşgabat, 14-15 noýabr 2024 - Türkmenistanyň Döwlet energetika institutynda 2024-nji ýylyň meýilnamalarynyň çäklerinde “Merkezi Aziýada ýaşyl energetikany ösdürmek: mümkinçilikler we meseleler” atly halkara sebitleýin maslahat geçirildi. Maslahata Türkmenistanyň Döwlet energetika institutynyň professor-mugallymlary, ylmy işgärler, hem-de Germaniýa, Belarus, Gazagystan, Özbegistan, Gyzgyzystan we Täjigistan ýaly ýurtlardan halkara bilermenler gatnaşdylar.
 

Maslahatyň Maksady we Temalary

Maslahatyň geçirilişi, Türkmenistanyň Energetika ministrligi, Daşky gurşawy goramak ministrligi we Ýagşygeldi Kakaýew adyndaky Halkara nebit we gaz uniwersiteti ýaly döwlet we halkara guramalarynyň gatnaşmagy bilen giňeldi. Maslahatyň esasy temalary:
 

• Sebitleýin öňdebaryjy tejribe: Merkezi Aziýada ýaşyl energetikany ösdürmekde alnan netijeler.
   
• Gaýtadan dikeldilýän energiýa çeşmeleri: Mümkinçilikler we meseleler.
   
• Ýaşyl wodorod: Geljegiň ýangyjy.
   
• Howanyň üýtgemegi we ýaşyl energetika: Ylmy öwrenişler we tejribe.
   
• Gün energiýasy: Ýaşyl resurslaryň potensialy.
   

Sergi we Maslahatyň Yz ýany

Halkara maslahatyň çäginde, institutyň Baş binasynyň eýwanynda ylmy işleriň sergisi geçirildi. Sergide ýaşyl energetika, ekologiýa, we gaýtadan dikeldilýän energiýa çeşmeleri baradaky maglumatlar berildi.
 

Alkyş we Hoşallyk

Maslahatyň jemlerinde, gatnaşyjylar Türkmen halkynyň Milli Lideri Gahryman Arkadagymyza we Arkadagly Gahryman Serdarymyza döredilýän mümkinçilikler üçin alkyş bildirdiler. Maslahat, 2 gün dowam edip, ýokary derejede geçirilendigi bilen tapawutlandy.

 Wepa MAKSADOW,
Türkmenistanyň Döwlet energetika
institutynyň 3-nji ýyl talyby