1-nji martdan «Türkmentelekom» elektrik aragatnaşyk kompaniýasy we «Aşgabat şäher telefon ulgamy» ýapyk görnüşli paýdarlar jemgyýeti, fiziki şahslara hödürleýän internet hyzmatlarynyň bahalarynyň arzanladylýandygyny we ýokary tizlikli täze nyrhnamalaryň güýje girýändigini habar berýär. 

Täze girizilen nyhnamalara laýyklykda hyzmatyň 1 aýlyk bahasy: 

Tizligi 1 Mb/s Internet hyzmaty üçin – 150 manat;
Tizligi 2 Mb/s Internet hyzmaty üçin – 180 manat;
Tizligi 4 Mb/s Internet hyzmaty üçin – 230 manat;     
Tizligi 6 Mb/s Internet hyzmaty üçin – 280 manat. 

Öň tizligi 512 Kb/s Internet hyzmatyndan peýdalanýan we aýda 150 manat töleýän müşderiler awtomatik usulda, nyrhyny (150m) üýtgetmezden 1 Mb/s tizlikli Internet hyzmatyna geçirilýär. Şeýle hem, 1 Mb/s iň pes tizlikli Internet hyzmaty bolup durýar.

Häzirki wagtda täze nyrhnamaly tizliklere geçmek islegleri barada müşderilerden degişli ýüzlenme arzalary kabul edilip başlandy.