Magtymguly adyndaky Türkmen döwlet uniwersiteti 2024-nji ýylyň 27-nji noýabrynda “Himiýany okatmagyň usulyýetiniň döwrebap kämilleşdirilmegi we himiki tehnologiýalaryň häzirki zaman ösüşi” atly halkara ylmy-amaly maslahaty geçirer. Bu maslahat, ýokary okuw mekdepleriniň talyplarynyň arasynda Aşgabatda geçiriljek himiýa boýunça III Halkara Olimpiada çäginde guralýar. Maslahata ýurdumyzyň we daşary ýurtlaryň ýokary okuw mekdepleriniň professor-mugallymlary, Türkmenistanyň Ylymlar akademiýasy, Halkara ylmy-tehnologiýa parky we Himiýa institutynyň alymlary gatnaşar.

Maslahatyň resmi dilleri türkmen, iňlis we rus dilleridir. Mejlisiň işi iki bölümde geçirilip, I bölümde himiýany okatmagyň döwrebap usullary we kämilleşdirmegiň ýollary, II bölümde bolsa täze himiýa tehnologiýalaryny işläp düzmegiň meseleleri ara alnyp maslahatlaşylar.

Çykyş etmek isleýän alymlar we hünärmenler 2024-nji ýylyň 15-nji noýabryna çenli çykyşlarynyň tezislerini we annotasiýalaryny tsu.international.conference@gmail.com elektron salgysyna ibermeli. Maslahata gatnaşmak isleg bildirenleriň çykyşlarynyň gysgaça beýanyndan ybarat elektron ýygyndy taýýarlanar.

Çykyş etmek üçin goşmaça maglumat almak üçin şu telefonlara ýüz tutup bilersiňiz: (+99312) 94-58-49, +99362 16-29-75.

Doly maglumat üçin: education.gov.tm.