Täze okuw kitaby neşir edildi.
 

Berkarar döwletiň täze eýýamynyň Galkynyşy döwründe, hormatly Prezident Serdar Berdimuhamedowyň taýsyz tagallalary netijesinde, bilim ulgamynda uly özgerişlikler gazanylýar. Ýurduň ýaş nesillerine ýokary hilli bilim bermek maksady bilen, daşary ýurt dillerini okatmak boýunça giň gerimli işler yzygiderli durmuşa geçirilýär.
 

Türkmenistanda bu ugurda kabul edilen “Türkmenistanda daşary ýurt dillerini okatmagy kämilleşdirmegiň Konsepsiýasy” bilim ulgamyny döwrebaplaşdyrmakda we ýaş nesilleri daşary ýurt dillerine özleşdirmekde esasy ýörelge bolup durýar. Bu Konsepsiýanyň çäginde taýýarlanylan täze okuw kitaplary okuwçylaryň dil endiklerini ösdürmekde möhüm orny eýeleýär.
 

Ýakynda umumy orta bilim berýän mekdepleriň XI synpy üçin “Iňlis dili (II daşary ýurt dili)” atly täze okuw kitaby neşir edildi. Kitap şu aşakdaky aýratynlyklara eýedir:
 

• Awtorlary: N. Öwezowa, R. Soýunowa, M. Allaberdiýewa.
• Mazmuny: Okuw maksatnamasyna laýyklykda işlenip taýýarlanyldy we okuwçylaryň okamak, ýazmak, gürlemek ýaly iňlis dili endiklerini kämilleşdirmegi maksat edinýär.
• Usulyýeti: Döwrebap didaktiki ýörelgelerden we öňdebaryjy halkara tejribelerden peýdalanylyp, ýokary hilli material bilen üpjün edildi.
   

Täze okuw kitaby daşary ýurt dillerini öwretmegiň döwrebap usullaryny ornaşdyrmak bilen, ýaşlaryň iňlis diline bolan gyzyklanmasyny artdyrmaga we dil bilimlerini kämilleşdirmäge giň mümkinçilikleri döredýär. Bu kitap, ýaş nesliň hem-de bilim ulgamynyň ösüşine goşant goşmakda möhüm ähmiýete eýe.
 

Çeşme: Türkmenistanyň Bilim ministrligi.

Orazmämmet ORAZOW,
Ýagşygeldi Kakaýew adyndaky Halkara nebit we
gaz uniwersitetiniň Geologiya fakultetiniň Çyzuw we
materiýallaryñ garşylygy kafedrasynyň mugallym öwrenijisi.