Hasaplamalara görä, 2023-nji ýylyň ýanwar-noýabr aýlaryň dowamyndaky Türkmenistan bilen Özbegistanyň transport arkaly söwda gatnaşygy 1 milliard amerikan dollaryna golaýlady. Geçen 11 aýyň dowamynda türkmen-özbek söwda dolanyşygy 92,4 million amerikan dollar köpledi, degişli döwürde 2022-nji ýylda bolsa 877,5 million amerikan  dollara barabar bolupdy.

Bu maglumatlar Türkmen-Özbek dost-doganlyk gatnaşyklarynyň barha ilerleýänliginiň aýdyň subutnamasydyr. Has takygy geçen ýylyň degişli döwri bilen deňeşdirilende söwda ulgamynda ýokary netije gazanylandygyny görmek bolar. Häzirki wagtda Türkmenistanyň beýleki ýurtlar bilen söwda-ykdysady gatnaşygy hem barha ýokarlanýar.

Türkmenistan Özbegistanyň importynda 7-nji orunda, eksportynda bolsa 12-nji orunda ýer eýeledi. Degişli döwürde Türkmenistan jemi 809,6 million amerikan dollarlyk harydy goňşy ýurduň bazaryna eksport etdi hem-de umumy möçberi 160,5 million amerikan dollaryna barabar hyzmatlary we harytlary Özbegistandan import etdi.

Selbinýaz Geldiýewa,
Türkmen oba hojalyk institutynyň,
5-nji ýyl talyby.