2024-nji ýylyň 1-nji noýabrynda Nýu-Ýorkda, Türkmenistanyň Birleşen Milletler Guramasynyň ýanyndaky hemişelik wekilhanasynyň edara binasynda, Türkmenistan bilen Lihtenşteýn Knýazlygynyň diplomatik gatnaşyklaryň ýola goýulmagy boýunça Bilelikdäki Beýannama gol çekildi. Bu barada Türkmenistanyň resmi metbugaty habar berdi.

Bu çäreden ozal, Türkmenistanyň BMG-niň ýanyndaky hemişelik wekili Aksoltan Ataýewa bilen Lihtenşteýniň BMG-niň ýanyndaky hemişelik wekili Kristian Wenaweser arasynda gepleşikler geçirildi. Gepleşikleriň dowamynda, iki ýurduň arasynda dostlukly gatnaşyklaryň berkidilmegi we syýasy, ykdysady we ynsanperwer ugurlarda hyzmatdaşlygyň ösdürilmegine bolan ygrarlylyk tassyklanyldy.

BMG-niň çäginde halkara guramalarynyň arasynda hyzmatdaşlygy giňeltmegiň ähmiýeti aýratyn bellendi. Şeýle hem, taraplar BMG-niň gün tertibine degişli meseleleri ara alyp maslahatlaşdylar. Bu meseleler arasında parahatçylygy we ynanşygy berkitmek, öňüni alyş diplomatiýasynyň ösdürilmegi, halkara sport gatnaşyklary we durnukly ösüşe degişli birnäçe başga meseleler hem jemlendi.

Gaýgysyz ŞAMYRADOW,
Türkmenistanyň Döwlet energetika institutynyň
talyby.