Ýurdumyzyň “Türkmengaz” döwlet konserniniň wekilleri BAE-niň Senagat we ösen tehnologiýalar ministri, Abu Dabi milli nebit kompaniýasynyň (ADNOC) Baş direktory Soltan Ahmed Al-Jaber gaz pudagynda alynyp barylýan hyzmatdaşlygyň birnäçe meseleleri gözden geçirdiler. Bu barada TDIM-niň metbugaty habar berýär.

ADNOC-nyň 2023-nji ýyldan bäri gaz pudagynda iş alyp barmakda halkara ülňülerine we tejribesine laýyklykda "Türkmengaz" döwlet konserni bilen ýakyndan hyzmatdaşlyk edýändigi bellendi.

Geçen hepdäniň şenbe güni geçirilen wideo aragatnayşygy arkaly gepleşiklerde Galkynyş gaz känini özleşdirmek we ADNOC-nyň Türkmenistan tarapyndan amala aşyrylýan halkara energiýa taslamalaryny durmuşa geçirmekdäki gatnaşygy ara alnyp maslahatlaşyldy.

Wideo duşuşygyň netijeleri boýunça türkmen we emirlik taraplary hyzmatdaşlygy dowam etdirmek we onuň hukuk esaslaryny berkitmek, durmuşa geçirilýän taslamalar bilen baglanyşykly käbir ykdysady we tehnologiki taraplary göz öňünde tutmak isleýändiklerini tassykladylar.

Ýangyç we energetika pudagynda türkmen-emirlikler gatnaşyklarynyň hukuk esaslary, "Türkmengaz" döwlet konserni bilen ADNOC-nyň arasynda gol çekilen Hyzmatdaşlyk Ähtnamasy bilen baýlaşdyryldy, bu taraplaryň atmosfera metanyň zyňyndylaryny azaltmak boýunça ylmy, tehniki we ykdysady hyzmatdaşlygyň mümkinçiliklerini öwrenmek isleýändigini mälim etdi.