2024-nji ýylyň 14-16-njy maýynda Türkmenistanyň wekiliýeti Türkmenistanyň Merkezi bankynyň orunbasary Myratdurdy Orazdurdyýewiň ýolbaşçylygyndaÝerewan şäherinde geçirilen «Delivering Impact Together» atly umumy temasy boýunça Ýewropanyň täzeleniş we ösüş bankynyň 33-nji ýyllyk ýygnagyna we iş forumyna gatnaşdy. Bu barada Türkmenistanyň resmi metbugaty habar berdi.

Bu çärä 74 ýurtdan, halkara guramalaryndan we hususy pudak guramalaryndan ýokary derejeli resmi wekiliýetleriň wekillerini goşmak bilen takmynan 2000 gatnaşyjy ýygnandy.

ÝTÖB-niň her ýylda geçirýän duşuşyklary bütindünýä maliýe we ykdysady gurşawda bolup geçýän wakalary we umumy gyzyklanma döredýän meseleleri boýunça ara alyp maslahatlaşmaga we halkara guramalarynyň, daşary ýurtlaryň we beýleki guramalaryň wekilleri bilen ikitaraplaýyn duşuşyklary geçirmäge amatly şert döredýär.

Agzalan maslahatlaryň çäginde umumy mejlisler hem geçirilýär, onda ÝTÖB-niň alyp barýan işleriniň çäginde geçen ýylda geçirilen işleriň netijeleri jemlenýär we geljek üçin anyk meýilnamalar kesgitlenilýär. 

Tumar BAKYÝEWA,
Türkmenistanyň Daşary işler ministrliginiň
Halkara gatnaşyklary institutynyň talyby.