Ahal welaýaty
logo

Soňky täzelikler:
✦ “Azerbaýjan – Türkmenistan – Özbegistan” formatynda üçtaraplaýyn duşuşyk geçirildi ✦ ✦ “Kids EXPO: ähli zat çagalar üçin” atly halkara sergi-ýarmarkasy öz işine başlady ✦ ✦ Ýaşlar Forumy – geljege barýan ýol! ✦ ✦ 12-nji awgust - Hazar deňziniň güni! ✦ ✦ Hereketleriň maksatnamalaryny milli syýasatlara ornaşdyrmagyň strategiýalary işlenilýär ✦ ✦ Durnukly ösüş maksatlarynyň 16-njy maksadyny durmuşa geçirmäge ýardam bermek boýunça ugurdaş çäreler geçirildi ✦ ✦ Awaza 2025: Parlament forumy ✦ ✦ Awaza 2025: Hususy pudagyň forumy ✦ ✦ LLDC ýurtlar boýunça BMG-niň 3-nji maslahaty dünýä metbugatynda ✦ ✦ Awazada medeniýet we sungat ussatlarynyň dabaraly konserti geçirildi ✦
Baş sahypa / Ykdysadyýet /Türkmen telekeçileri Parižde geçiriljek halkara foruma gatnaşarlar
  12.04.2024
224
Türkmen telekeçileri Parižde geçiriljek halkara foruma gatnaşarlar

Türkmenistanyň ykdysadyýetiň döwlete degişli däl pudagyndan dürli ugurda işleýän ondan gowrak kompaniýa we aýry-aýry kärhanalar 24-nji aprelde  Parižde geçiriljek Türkmenistanyň energetika pudagyna daşary ýurt maýa goýumlaryny çekmek boýunça halkara foruma gatnaşar. Bu barada Türkmenistanyň resmi metbugaty habar berýär.

 

Forumyň işine Türkmenistanyň milli guramalary we ministrlikleri:  «Türkmengaz» döwlet konserni, «Türkmennebit» döwlet konserni, «Türkmengeologiýa» döwlet korporasiýasy, Türkmenistanyň Maliýe we ykdysadyýet ministrligi, Türkmenbaşynyň nebiti gaýtadan işleýän zawodlar toplumy, «Türkmenhimiýa» döwlet konserni, Türkmenistanyň Energetika ministrligi, NAPECO, TAPI «Pipeline Company Limited», «Türkmengaz» DK-niň ýanyndaky «Tebigy gaz ylmy gözleg instituty» gatnaşar.

 

Şeýle hem Rysgally gün”, “Bereketli ulag”, “Ýol tumary” ýaly türkmen kompaniýalarynyň we hususy telekeçileriň hem gatnaşmaklaryna garaşylýar. Forum nebit we gaz öndürmek, transport we gaýtadan işlemek, gaýtadan dikeldilýän energiýany ösdürmek we energiýa pudagynyň mundan beýläk-de durnukly ösüşi bilen baglanyşykly geljekdäki hyzmatdaşlygy ara alyp maslahatlaşmagy maksat edinýär.

 

Mundan başga-da foruma Türkmenistandaky diplomatik wekilhanalar we halkara guramalar, halkara kompaniýalar, maliýe guramalary we banklar, uniwersitetler we gözleg merkezleri we Köpçülikleýin habar beriş serişdeleri gatnaşarlar.

 

Atajan MAKSADOW,
Türkmenistanyň Döwlet energetika
institutynyň talyby.