Türkmen telekeçileri, 2025-nji ýylyň 12-15-nji mart aralygynda Moskwada geçiriler ýaly "LEGPROM SNG+" atly III Ýewraziýa ýeňil senagat sergi-kongresine gatnaşmaga çagyrylýar.

Sergi, GDA ýurtlarynyň Halkara ykdysady forumynyň çäklerinde "Gostinyý Dwor" sergi merkezinde guralar. Onda dokma, deri we sütükli önümler pudagynda harytlary tanatmak we işewür hyzmatdaşlyk gurmak üçin amatly şertler dörediler. 

Sergide, gatnaşýan ýurtlaryň milli diwarlyklary, sebitleriň we pudaklaryň aýakgap, deri önümleri, lybaslar, dokma we sütükli harytlar bilen tanatyljak toplumlaýyn ekspozisiýalar ýerleşdiriler. "LEGPROM SNG+" sergisi işewürlere öz önümçilik harytlaryny görkezmek, geljegi uly alyjylar we üpjün edijiler bilen gatnaşyklary pugtalandyrmak, şeýle hem çäräniň mahabat we marketing serişdelerinden peýdalanmak üçin ajaýyp mümkinçilikler hödürleýär. 

Sergi, GDA-nyň Ýerine ýetiriji komitetiniň we "Grand Ekspo" sergi kompaniýasynyň hyzmatdaşlygynda "GDA-nyň Ykdysady ösüşiniň işewürlik merkezi" birleşigi tarapyndan guralýar. Bu çäre, GDA, Ýewropa Bileleşigi (ÝYB), Şanhaý hyzmatdaşlyk guramasy (ŞHG) we BRIKS ýaly guramalaryň agza ýurtlary arasynda hyzmatdaşlygy giňeltmek üçin transmilli bir meýdança döretmäge gönükdirilendir.

Maral AKMYRADOWA,
Türkmenistanyň Döwlet energetika institutynyň
talyby.