Ahal welaýaty
logo

Soňky täzelikler:
✦ “Azerbaýjan – Türkmenistan – Özbegistan” formatynda üçtaraplaýyn duşuşyk geçirildi ✦ ✦ “Kids EXPO: ähli zat çagalar üçin” atly halkara sergi-ýarmarkasy öz işine başlady ✦ ✦ Ýaşlar Forumy – geljege barýan ýol! ✦ ✦ 12-nji awgust - Hazar deňziniň güni! ✦ ✦ Hereketleriň maksatnamalaryny milli syýasatlara ornaşdyrmagyň strategiýalary işlenilýär ✦ ✦ Durnukly ösüş maksatlarynyň 16-njy maksadyny durmuşa geçirmäge ýardam bermek boýunça ugurdaş çäreler geçirildi ✦ ✦ Awaza 2025: Parlament forumy ✦ ✦ Awaza 2025: Hususy pudagyň forumy ✦ ✦ LLDC ýurtlar boýunça BMG-niň 3-nji maslahaty dünýä metbugatynda ✦ ✦ Awazada medeniýet we sungat ussatlarynyň dabaraly konserti geçirildi ✦
Baş sahypa / Ykdysadyýet /Türkmen-horwat bilelikdäki ykdysady forumy geçiriler
  17.07.2025
215
Türkmen-horwat bilelikdäki ykdysady forumy geçiriler

2025-nji ýylyň 16-njy iýulynda Türkmenistanyň Daşary işler ministri Raşid Meredow bilen Horwatiýanyň Daşary işler we Ýewropa işleri ministri Gordan Grliç Radman telefon arkaly söhbetdeşlik geçirdiler. Gepleşikde taraplar şu ýylyň oktýabr aýynda Aşgabatda geçirilmegi meýilleşdirilýän bilelikdäki ykdysady forumyň taýýarlyklaryny ara alyp maslahatlaşdylar. Bu çärä iki ýurduň işewür toparlarynyň wekilleriniň gatnaşmagyna garaşylýar.

 

Türkmenistanyň Daşary işler ministrliginiň habar bermegine görä, bu gepleşikler Horwatiýanyň daşary işler ministriniň Türkmenistana resmi saparynyň çäklerinde geçiriler. Şol saparyň dowamynda ykdysady hyzmatdaşlyk boýunça hökümetara türkmen-horwat toparynyň dördünji mejlisiniň hem geçirilmegi meýilleşdirilýär.

 

Söhbetdeşligiň dowamynda ministrler ikitaraplaýyn hyzmatdaşlygyň möhüm ugurlaryny maslahatlaşyp, özara gyzyklanma bildirilen ugurlarda hyzmatdaşlygy giňeltmek üçin mümkinçilikleriň bardygyny nygtadylar. Şeýle hem BMG-niň çäklerinde alnyp barylýan hyzmatdaşlygyň konstruktiw häsiýetiniň bardygy bellenildi.

 

Ministrler ÝHHG-niň çäklerinde gatnaşyklary ösdürmäge bolan gyzyklanmany tassykladylar we sebitleýin hem-de halkara howpsuzlygyny üpjün etmäge gönükdirilen bilelikdäki tagallalaryň ähmiýetini bellediler.

 

Şeýle-de, duşuşykda 2025-nji ýylyň awgustynda Türkmenistanda geçiriljek Deňze çykalgasy bolmadyk ösüp barýan ýurtlar boýunça BMG-niň üçünji maslahatyna (LLDC3) taýýarlyklar we şu ýylyň 12-nji dekabrynda Aşgabatda geçiriljek Halkara parahatçylyk we ynanyşmak forumy bilen baglanyşykly meseleler ara alnyp maslahatlaşyldy.

 

Aýna NURMYRADOWA,

Türkmenistanyň Döwlet energetika institutynyň
mugallymy.