Özbegistanyň Daşkent şäherinde geçirilen «AFL Kids Cup-2024» halkara ýaryşynda ýaş türkmen futbolçylary baýrakly orunlara eýe boldular.

Dürli ýaşdaky toparlardan düzülen alty sany topar ýeňiş gazanmak ugrunda bäsleşdiler. Biziň ýaş türgenlerimiz ýaryşyň iki tapgyrynda öňdeligi sakladylar. Olardan 2012-nji ýylda doglan türgenleriň arasyndaky ýaryşda «Batly» topary öňdeligi eýeledi, 2014-nji ýylda doglan futbolçylaryň ýaryşyna bolsa «Gökje» iň ökde topar boldy. Şeýle-de «Gökje» toparynyň ýarym goragçysy Amanmyrat Rejebow ýaryşyň iň gowy oýunçysy diýlip ykrar edildi.

Aşgabadyň «Çandybil» topary 2009-njy ýylda doglan türgenleriň arasynda Özbegistanyň türgenlerinden asgyn gelip, ikinji oruny eýelediler. Biziň futbol toparymyzyň kapitany Amanmyrat Çaryýew bolsa iň gowy hüjümçi diýlip, ykrar edildi.