Ahal welaýaty
logo

Soňky täzelikler:
✦ TOHI-de "Açyk gapylar" günleri geçiriler ✦ ✦ TOHU-da "Açyk gapylar" günleri geçirilýär ✦ ✦ Mekdep okuwçylaryň arasynda matematika dersi boýunça halkara olimpiadasyna badalga berildi ✦ ✦ Mihail Gusman: Türkmenistan maglumat giňişliginde we dünýäde barha görnükli orun eýeleýär ✦ ✦ Daşoguz welaýatynda pagta ekişine badalga berildi ✦ ✦ Gadymy Gresiýa barada ✦ ✦ Bejeriş ähmiýetli çeşme ✦ ✦ «EKSPO 2025» gurnaljak Türkmenistan Milli pawilýony tanyşdyryldy ✦ ✦ Ýurdumyzda sportuň täze fijital görnüşi boýunça ýaryşlar geçiriler ✦ ✦ Koreý kompaniýasy “Galkynyş” gaz käniniň 4-nji tapgyryna gatnaşar ✦
Baş sahypa / Jemgyýet /Türkmen awiasiýasynyň täze howa gämisi
  25.03.2023
753
Türkmen awiasiýasynyň täze howa gämisi

Golaýda, paýtagtymyzyň Halkara howa menziline «A330-200» kysymly «P2F» görnüşli ýük uçary gelip gowuşdy. Bu täze uçar Türkmenistanyň Prezidentiniň 2021-nji ýylyň ýanwar aýynda gol çeken degişli Kararyna laýyklykda, Ministrler Kabinetiniň ýanyndaky Ulag we kommunikasiýalar agentliginiň «Türkmenhowaýollary» agentligi bilen Fransiýa Respublikasynyň «Airbus S.A.S.» kompaniýasynyň arasynda «A330-200» kysymly «P2F» görnüşli iki sany ýük uçaryny satyn almak barada baglaşylan şertnama laýyklykda gelip gowşan ilkinji uçardyr. Ol Merkezi Aziýada ulanylýan şeýle görnüşli uçarlaryň ilkinjisidir.

Uçar «Rolls-Royce Trent 700» hereketlendirijisi bilen üpjün edilip, uzak aralyga 60 tonna çenli ýüki daşamak mümkinçiligine eýedir. Onuň uçuş uzaklygy 13,4 müň kilometre deňdir. Şeýle uçarlaryň satyn alynmagy ýurdumyzyň howa gämileri ulgamynyň tehniki binýadyny has-da pugtalandyrmak bilen birlikde, milli raýat awiasiýasynyň mümkinçiliklerini giňeltmäge, halkara howa ýük gatnawlaryna bolan islegleri kanagatlandyrmaga, howa ulagy arkaly ýük daşamagy ýokary derejede amala aşyrmaga, hyzmatdaş döwletler bilen söwda-ykdysady we ynsanperwer gatnaşyklary giňeltmäge amatly şertleri döreder.

Uçuş uzaklygy 13 müň kilometrden gowraga barabar bolup, 60 tonna çenli ýük daşamaga niýetlenilen bu ýük göteriji täze howa gämisiniň satyn alynmagy yklymyň iri ulag-logistika merkezi, Aziýa bilen Ýewropany birleşdirýän esasy halka hökmünde Watanymyzyň eýeleýän ýörelgesini berkitmek boýunça döwlet Baştutanymyzyň toplumlaýyn strategiýasyny durmuşa geçirmegiň ýolundaky nobatdaky ädimdir. Şunuň ýaly ýük göteriji döwrebap howa gämisiniň ikinjisi bolsa ýurdumyza ýakyn wagtda getiriler.

Döwrebap ýük göteriji täze howa gämisi bellenilen wezipeleri ýerine ýetirmäge uly ýardam berip, ýurdumyza we halkymyza uzak ýyllaryň dowamynda hyzmat etmek bilen, döwletimiziň uçarlar ulgamynyň tehniki binýadyny has-da berkider. 

 

Aýjeren MYRADOWA, 

Türkmen döwlet binagärlik-gurluşyk 
institutynyň talyby.