2025-nji ýylyň 3–5-nji dekabrynda Türkmenistanyň Söwda-senagat edarasynda Türkiýäniň eksport harytlaryna bagyşlanan ýöriteleşdirilen sergi geçiriler. Bu barada Türkmenistanyň Söwda-senagat edarasy habar berdi.

Her ýyl geçirilýän bu sergi Türkmenistanyň we Türkiýäniň işewür toparlaryna önümçilik mümkinçiliklerini görkezmek, öňdebaryjy tehnologiýalary alyşmak we hyzmatdaşlygy ýola goýmak üçin netijeli meýdança bolup hyzmat edýär.

Serginiň baş maksady iki ýurduň arasyndaky söwda-ykdysady gatnaşyklaryň berkemegine, maýa goýum hyzmatdaşlygynyň giňelmegine we ykdysady pudaklarda innowasion çözgütleriň ornaşdyrylmagyna ýardam bermekden ybaratdyr.

Sergide Türkiýäniň iri we hususy önümçilik kärhanalary dürli ugurlardaky önümlerini – senagat hem-de oba hojalyk enjamlaryny, gurluşyk serişdelerini, durmuş we elektron enjamlaryny, öý we dokma harytlaryny sergä gatnaşyjylara hödürlärler.

Maýa GURDOWA,

Türkmenistanyň Daşary işler ministrliginiň
Halkara gatnaşyklary institutynyň talyby.