Şu ýylyň 11-nji noýabrynda Özbegistanyň taryhy Samarkant şäherinde Türki Döwletleriň Guramasynyň döwlet Baştutanlarynyň Geňeşiniň mejlisi geçirildi. Şol mejlisiň barşynda guramanyň çäginde birnäçe guramaçylyk meselelerine hem seredildi.

Şoňa laýyklykda, Gyrgyz Respublikasynyň Türkiýe Respublikasyndaky Adatdan daşary we Doly ygtyýarly ilçisi Kybanyçbek Ömüraliýew Türki Döwletleriň Guramasynyň täze Baş sekretary wezipesine bellendi.

Belläp geçsek, Kybanyçbek Ömüraliýewiň 25 ýyllyk diplomatlyk tejribesi bar. Ol Belarusda, Estoniýada, Latwiýa, Litwada, Türkiýede we Ysraýylda ilçi wezipelerinde işläp, Gyrgyz Respublikasynyň Garaşsyz Döwletleriň Arakalaşygynda hemişelik wekili hem boldy.