Sosial media ulgamynda meşhur bolan “TikTok” platformasy ýakynda özünde täzeligiň boljakdygyny habar berýär. Bu täze aýratynlyk geljekde ulanyjylaryň 1 sagatlyk wideolaryny goýmaklyga mümkinçiliginiň boljakdygyna garaşylýar. Bu aýratynlyk ilkinji gezek sosial media geňeşçisi Matt Navvara tarapyndan hödürlendi.

Platformanyň metbugat sekretary TechCrunch häzirki wagtda uzyn görnüşli wideo aýratynlygynyň synag edilýändigini tassyklady. Muňa garamazdan käbir “TikTok” ulanyjylar gaty bir zerur däl diýip hasaplaýarlar. Sebäbi häzirki wagtda internet ulgamynda goýulýan maglumatlaryň örän köp bolmaklygy bilen adamlaryň 5-10 minutlyk wideo ýazgylary hem doly görmeýänligidir.

Bu aýratynlyk belli bir bazardaky ulanyjylaryň çäkli topary üçin elýeterli bolup biler, ýöne häzirki wagtda bu barada has jikme-jiklik maglumatlar syrly bolmagynda galýar.

Anyklanan maglumatlara görä täze goşuljak aýratynlyk aşpezler, ýüze makiýaž edijiler we telegepleşikler üçin peýdaly bolup biler.

Mährijemal HYDYROWA,
Beki Seýtäkow adyndaky
mugallymçylyk mekdebiniň talyby.