Golaýda, Tejen etrabynyň Medeniýet öýünde ýaşlaryň watançylyk terbiýesini ýokarlandyrmak, olara Watan mukaddesligini we gymmatyny düşündirmek maksady bilen Türkmenistanyň Magtymguly adyndaky Ýaşlar guramasynyň Tejen etrap Geňeşiniň, etrap prokuraturasynyň, etrap harby wekilliginiň bilelikde guramagynda wagyz-nesihat duşuşygy geçirildi. Duşuşyga umumybilim berýän orta mekdepleriň 11-nji synpynda okaýan oglanlar gatnaşdy.

Duşuşykda il sylagly ýaşulularyň we kümüş saçly eneleriň çykyşlary aýratyn uly dykgat bilen diňlendi. Olar öz çykyşlarynda orta mekdebi tamamlap gelýän okuwçy oglanlara watansöýüjilik bilen bagly gymmatly öwüt-ündewlerini aýtdylar.