Ýakynda  Tejen etrabynyň Altyn asyr Tohumlyk pagtany gaýtadan işleýän pagta arassalaýjy kärhanasynda,  pagta  ýygymy  möwsümini  alyp  barmak  maksady  bilen “Ak kerwen” ady bilen aýdym-sazly dabara  geçirildi. Bu dabara Tejen  daýhan  birleşiginiň  jogapkär  işgärleri, mehanizatorlar, bejeriji ussalar, daýhanlar  gatnaşdylar.

Berkarar  döwletiň  täze  eýýamynyň  galkynyşy  döwründe  Türkmenistan  döwletimizde  geçirilýän  giň  gerimli  oňyn  özgertmeler  netijesinde  milli ykdysadyýetimiziň  ähli  pudaklary  bilen  bir  hatarda  oba-hojalygy  hem  yzygiderli  ösýär. Döwletimiz   oba-hojalygyny  ösdürmek, onuň  maddy  tehniki  binýadyny  pugtalandyrmak  barada  uly  alada  edýär, beýleki  oba-hojalyk  ekinleri  bilen  birlikde, gowaça  ýetişdirmekde  we  ýygnamakda  hem  edermen  daýhanlarymyzyň  has  netijeli  işlemekleri, toprakdan  bol  hasyl  almaklary  üçin  zerur  bolan  ähli  şertler  döredilýär.Türkmen  halkymyzyň  dilindäki “Jüýjäni  güýz  sanaşmak” diýen  aýtgynyň  esasynda-da,  asly  babadaýhan  milletimiziň  ýylboýy  çeken   zähmetiniň  netijesini  bu  pasylda  görýändigi  bilen  baglanyşyklydyr.

Tejen  etrabynyň  daýhan  birleşikleriniň  kärendeçi  daýhanlary,  köp  zähmet  siňdirip  ýetişdirilen  bol  hasyly  ýitgisiz  ýygnap  watan  harmanyna  tabşyrmak  ugrunda  jan  aýaman  zähmet  çekýärler. Şu günler  “ak  altynly”  pellerde  pagta  ýygymy  sazlaşykly  we  güýçli  depginde  dowam  edýär. Pagta  ýygymynyň  guramaçylykly  geçirilmeginiň  köp  derejede  tehnikalaryň  bökdençsiz, öndürijilikli  işine  baglydygy  hemmelere  mälimdir.

Duşuşyga gatnaşanlar bize şeýle ajaýyp durmuşda zähmet çekip işlemäne giň mümkinçilikleri döredip berýän Milli Liderimiz Halk Maslahatynyň başlygy Gahryman Arkadagymyzyň,  Arkadagly Gahryman Serdarymyzyň janlarynyň sag, başlarynyň dik bolmagyny, alyp barýan halk bähbitli işleriniň mundan beýläkde rowaç almagyny arzuw etdiler.

Bägül GURBANOWA,
Türkmenistanyň Kärdeşler arkalaşyklarynyň
Ahal welaýatynyň Tejen etrap birleşmesiniň  esasy hünärmeni.