«Saglyk-baýlyk» atly tegelek stoluň başynda wagyz-nesihat duşuşygy TKA-nyň Kaka etrap birleşmesinde geçirilip, oňa Türkmenistanyň Kärdeşler arkalaşyklarynyň etrap birleşmesiniň, edara-kärhanalardaky ilkinji guramalarynyň ýolbaşçylarydyr işgärleri işjeň gatnaşdy.

Duşuşygy Türkmenistanyň Kärdeşler arkalaşyklarynyň etrap birleşmesiniň başlygy Meýlismyrat Myradow açyp, hormatly Prezidentimiziň ilatyň ýaşaýyş-durmuş derejesini ýokarlandyrmak, ýurdumyzyň ykdysady kuwwatyny artdyrmak, şan-şöhratyny belende götermek ugrunda edýän taýsyz tagallalary, «Saglyk» Döwlet maksatnamasyndan gelip çykýan wezipeler, ýaş nesli terbiýelemegi ugrunda döwletimiz tarapyndan döredilýän giň şertler dogrusynda gürrüň berdi.

Duşuşygyň dowamynda «Arkadag Serdarly-bagtyýar ýaşlar» ýylynyň häzirki günlerinde ýurdumyzda bolup geçýän taryhy wakalar, milli ykdysadyýetimiziň dürli ugurlarynda gazanylýan üstünlikler, dabaralandyrmakda Kärdeşler arkalaşyklarynyň işgärleriniň we işeňňir agzalarynyň öňünde durýan wezipelere, şeýle-de ilkinji guramalarda işleri döwrebap guramagyň ähmiýetine ünsi çekdiler. Çykyş edenler ildeşlerimiziň bagtyýar durmuşda ýaşamagy ugrundaky bimöçber aladalary üçin hormatly Arkadagly Prezidentimiziň adyna alkyş sözlerini aýtdylar.   

Akmuhammet MAGTYMGULYÝEW,

Türkmenistanyň Kärdeşler arkalaşyklarynyň 
Kaka etrap birleşmesiniň 
esasy hünärmeni.