Gurluşyk we senagat toplumynyň işgärleriniň güni mynasybetli, Türkmen Döwlet binagärlik-gurluşyk instituty (TDBGI) “Aşgabat – binagärlik sungatynyň merjeni” atly täze ylmy makalalar ýygyndysyny neşir etdi. Neşirde TDBGI professory, alymlary we hünärmenleriniň arhitektura, gurluşyk hem-de degişli ugurlardaky üstünliklerine bagyşlanan işleri ýerleşdirildi. Ýygyndy ylmy ösüşe goldaw bermäge, türkmen ylmynyň abraýyny ýokarlandyrmaga we ylmy barlaglaryň netijelerini önümçilige hem-de bilim ulgamyna ornaşdyrmaga gönükdirilendir. Makalalar arhitektura we senagat innowasiýalary bilen gyzyklanýan hünärmenlere, alymlara, studentlere hem-de giň okyjylar köpçüligine niýetlenendir.