Ata Watanymyzyň geljekki ösüşlerini, halkymyzyň eşretli, bagtyýar durmuşyny ylym-bilim bilen berk baglanyşdyrýar. “Pähim-Paýhas ummany Magtymguly Pyragy” ýylynda   Gahryman Arkadagymyz, Hormatly Prezidentimiz Arkadagly Gahryman Serdarymyz ýurdumyzyň bilim ulgamyny düýpli özgertmäge uly ähmiýet berýär. Gahryman Arkadagymyzyň, Arkadagly Serdarymyzyň parasatly ýolbaşçylygynda geçen gysga döwrüň içinde ylym-bilim ulgamynda amala aşyrylan ajaýyp işleri sanardan köp. Berkarar döwletimiziň täze eýýamynyň galkynyşy döwründe bilim ulgamynda ýaş nesilleri okatmagyň usullary hil babatda bütinleý täze derejelere göterildi. Bu gün bagtyýar ýaşlar döwrebap kompýuter enjamlary, dünýä ylmynyň gazanan iň öňdebaryjy tehnologiýalary bilen üpjün edilen bilim ojaklarynda okap bilim alýarlar.

Häzirki wagtda tomus pasly bilen bilelikde, çagalaryň tomusky dynç alyş günleri hem dowam edýär. Ýaş nesilleriň tämiz, ak otaglarda okap bilim almaklary üçin etrabyň ähli bilim ojaklarynda täze okuw ýylyna taýýarlyk görülýär. Mekdeplerde we çagalar baglarynda ýeňil abatlaýyş işleri geçirilýär. Biz ylym we bilim işgärleriniň Kärdeşler arkalaşyklarynyň Tejen etrap Geňeşi hem öz gezegimizde etrap bilim bölüminiň ýörite topary bilen bilelikde aýlanyp işçileriň armasyny ýetirip durýarys.

Hormatly Prezidentimiziň ýurdumyzda bilim ulgamyny ösdürmek, şeýle hem bu ugurda netijeli halkara hyzmatdaşlygyny pugtalandyrmak babatdaky durmuşa geçirýän ajaýyp işleri göwünlerimizi galkyndyrýar. Berkarar döwletimiziň täze eýýamynyň galkynyşy döwründe ýaş nesilleriň ylymly-bilimli, edep-terbiýeli  ynsanlar bolup ýetişmegi üçin taýsyz tagallalary edýän Gahryman Arkadagymyzyň, Arkadagly Gahryman Serdarymyzyň jany sag, başy dik, ömri uzak bolsun, bilim ulgamyny ösdürmekde alyp barýan tutumly işleri mundan beýläk hem rowaçlyklara beslensin.

Hakberdi SAPARDURDYÝEW,
Ylym we bilim işgärleriniň Kärdeşler
arkalaşyklarynyň Tejen etrap Geňeşiniň hünärmeni.