Ýakynda Tejen etrabynyň Ýöriteleşdirilen dikeldiş merkezinde Türkmenistanyň Kärdeşler arkalaşyklarynyň Tejen etrap birleşmesi, Türkmenistanyň Magtymguly adyndaky ýaşlar guramasynyň etrap Geňeşi, Türkmenistanyň Demokratik partiýasynyň Tejen etrap komitetiniň bilelikde gurnamagynda tegelek stoluň başyndaky söhbetdeşlik gurnaldy.

“Pähim-paýhas ummany Magtymguly Pyragy” ýyly hem-de Änew şäherini 2024-nji ýylda “Türki dünýäsiniň medeni paýtagty” diýlip yglan edilmegi mynasybetli geçirilen söhbetdeşlikde Hormatly Prezidentimiziň başda durmagynda halkymyzyň medeni mirasyny dikeltmekde, türkmen halkynyň beýik ogullarynyň şöhrata beslenen ömrüni giňden wagyz etmekde uly işler amala aşyrylýandygy, Gündogaryň beýik akyldary we nusgawy şahyry Magtymguly Pyragynyň doglan gününiň 300 ýyllygy mynasybetli  akyldar şahyra goýulýan belent sarpanyň aýdyň nyşany hökmünde 2024-nji ýylymyza “Pähim-paýhas ummany Magtymguly Pyragy” ýyly diýlip atlandyrylmagy hem-de 2024-nji ýylda Änew şäherine “Türki dünýäsiniň medeni paýtagty” diýlip yglan edilmegi ähli ildeşlerimiziň şatlygyny goşalandyrandygy barada aýratyn nygtap geçdiler. 

2024-nji ýylymyzy “Türki dünýäsiniň beýik şahyry we akyldary Magtymguly Pyragy ýyly” Änew şäherini 2024-nji ýylda “Türki dünýäsiniň medeni paýtagty” diýip yglan edilmegi mynasybetli aýdym-sazly baýramçylyk dabaralarynyň, maslahatlaryň, wagyz-nesihat çäreleriniň, dürli bäsleşikleriň yzygiderli ýagdaýda geçirilýändigi hem-de birnäçe çäreleriň geçirilmegi meýilleşdirilýändigi bellenildi hem-de  Türkmenistan ýurdumyzy jenneti mekana öwren Gahryman Arkadagymyzyň, Arkadagly Gahryman Serdarymyzyň janlarynyň sag, başlarynyň dik, alyp barýan tutumly işleriniň elmydama rowaç bolmagy arzuw edildi!

Maral Akyýewa,
Türkmenistanyň Kärdeşler arkalaşyklarynyň
Ahal welaýatynyň Tejen etrap
birleşmesiniň esasy hünärmeni,
Zenanlar guramasynyň işjeň agzasy.