Suw Ýer ýüzündäki iň möhüm tebigy we strategiki serişde bolup, dünýäde ýaşaýyş üçin iň zerur bolan resurslaryň başynda durýar. Ol diňe bir ýaşaýyş üçin däl, eýsem ykdysadyýet, durmuş, saglyk we ekologiýa üçin-de uly ähmiýete eýedir. Suw, planetamyzdaky ähli durmuşyň güýji we güýçli bir motorudyr, çünki ähli biologik, fiziki we geoykdysady ösüşler suw resurslaryna baglydyr. Suw gözelligi we serişde hökmünde durnukly dolandyrylyp, her bir adamyň ýaşaýşynyň hilini ýokarlandyrmak üçin möhümdir.

Suw, diňe bir adamyň ýaşaýşyny üpjün etmek bilen çäklenmän, ykdysadyýetiň birnäçe pudaklaryna täsir edýär. Suw üpjünçiligi we dolandyrylyşy ykdysadyýetde esasy ugurlaryň biri bolup durýar. Ekologiýa taýdan suw, ösümlikleriň we haýwanlaryň ýaşaýşy üçin iň esasy şertdir. Şeýle-de, suw, ýer ýüzündäki her dürli ekosistemasynyň durnuklylygyny üpjün edýär. Şeýlelik bilen, suw ekosistemalarynyň deňagramlylygy, çylşyrymly we aragatnaşykly ekologik ulgamlar hökmünde möhüm hasaplanýar.

Suw, adamzadyň ýaşaýşy üçin iň möhüm serişdedir. Suw dolandyrylyşy, suwuň durnuklylygy, ekologiýa we ykdysadyýet üçin zerurdyr. Şeýlelik bilen, suw diplomatiýasy, aragatnaşyk we hyzmatdaşlyk arkaly suw serişdeleriniň netijeli dolandyrylmagyny üpjün etmek, şeýle-de suw ýetmezçiliginiň öňüni almak we suw resurslarynyň adalatly paýlanmagyny üpjün etmek üçin möhüm we geosyýasat taýdan möhüm bir ugurdyr. Suw, ähli ýurtlaryň we halklaryň bähbitine hyzmat etmeli iň esasy resurs bolup durýar.

Hormatly Prezidentimiziň syýasatynyň möhüm ileri tutulýan ugurlarynyň biri daşky gurşawy goramakdan, tebigata aýawly garamakdan, geljekki nesiller üçin onuň baýlyklaryny gorap saklamakdan, türkmen halkynyň durmuşynyň oňaýly şertlerini döretmek üçin ýer-suw serişdelerinden oýlanyşykly peýdalanmakdan, Durnukly ösüş maksatlaryna ýetmekde dünýä jemgyýetçiliginiň tagallalaryny birleşdirmekden ybaratdyr.

Yslam DURDYMYRADOW,
Türkmenistanyň Daşary işler ministrliginiň
Halkara gatnaşyklary institutynyň talyby.