Şu gün paýtagtymyzda geçirilen «Türkmentel-2024» XVII halkara sergisi we ylmy maslahatynyň çäklerinde, «Sanly çözgüt – 2024» atly innowasion taslamalar bäsleşiginiň ýeňijileri yglan edildi. Bu çäre ýurdumyzda sanly bilimiň ösdürilmegi, innowasiýalaryň ornaşdyrylmagy we ýaşlaryň zehinli işleriniň hödürlenmegi maksady bilen geçirilýär.
 

Bäsleşige ýokary okuw mekdepleriniň talyplary we hünärmenler gatnaşdylar. Ýeňijiler, dürli ugurlarda, şol sanda saglygy goraýyş, emeli aň, robototehnika, akylly tehnologiýalar we beýleki pudaklarda täze taslamalar bilen çykyş etdiler.
 

Bäsleşigiň ýeňijileri:
 

1. Saglygy goraýyş ulgamynda: Baýnazar Muhammedow – PECS cards.
    
2. Emeli aň ugrunda: Şatlyk Şöhradow – emeli aň arkaly kesel anyklaýyş.
    
3. Robototehnika we awtomatizasiýa: Ýazmuhammet Agamyradow – 3D printer taslamasy.
    
4. Akylly oba hojalyk: Alýoş Amanow – plastiki zyňyndylary ýygnamak taslamasy.
    
5. Smart City: Emir Şammaýew – elektrik togu alýan enjam.
    
6. Bilim ugry: Arslan Bäşimow – fotogrometriýa esasynda taryhy ýadygärlikleri öwrenmek taslamasy.
    
7. Hyzmatlar ulgamy: Artur Bahtyýarow – «Tick» sosial ulgam.

Magtymguly adyndaky Ýaşlar guramasynyň döredijilik bäsleşigi-de ýaşlaryň döredijilik başarnygyny, bilimde, ylymda we dürli pudaklarda gazanan üstünliklerini wagyz etmek üçin geçirilýär.

Bäsleşik netijesinde ýeňijilere gymmatbahaly sowgatlar we diplomlar gowşuryldy. Taslamalar, Türkmenistanyň sanly ulgamyny ösdürmäge, döwrebap tehnologiýalary ornaşdyrmaga gönükdirilen möhüm ädimlerdir.

Magtymguly adyndaky Ýaşlar guramasynyň bäsleşigi barada giňişleýin maglumat almak üçin bu makalany okap bilersiňiz.