Ahal welaýaty
logo

Soňky täzelikler:
✦ Tejen Awtoulag kärhanasynda wagyz-nesihat duşuşygy geçirildi ✦ ✦ Beýni keselleriniň psiholohik täsirleri ✦ ✦ Psihologiýanyň çäginde Psihoterapiýanyň tutýan orny ✦ ✦ Uky we ruhy saglyk arasyndaky baglanşyk ✦ ✦ Ýürek-damar keselleri bilen kesellän näsaglarda ýüze çykýan ruhy bozulmalar ✦ ✦ Ukynyň adam saglygyna täsiri ✦ ✦ Halkara onkologiýa ylmy-kliniki merkezi - saglyk ulgamynyň döwrebaplaşdyrlmagy ✦ ✦ 2025-nji ýyl «Halkara parahatçylyk we ynanyşmak ýyly» diýip yglan edildi ✦ ✦ Ruhy saglyk we onuň adama täsiri ✦ ✦ «Ýaşlar — Watanyň daýanjy» kitabynyň Ýapon dilindäki neşiri tanyşdyryldy ✦
Baş sahypa / Sport /“Sagdyn zenan-bagtyýar maşgalanyň gözbaşydyr” atly şygar astynda sport çäresi geçirildi
  19.04.2022
1282
“Sagdyn zenan-bagtyýar maşgalanyň gözbaşydyr” atly şygar astynda sport çäresi geçirildi

Bütindünýä saglyk güni hem-de bedenterbiýe-sport we sagdyn durmuş-medeni çäreleriniň biraýlygynyň çäginde Tejen etrabynyň Altyn asyr şäherindäki sport mekdebinde sportuň dürli görnüşleri boýunça bäsleşik geçirildi. Kärdeşler arkalaşyklarynyň Tejen etrap birleşmesiniň hem-de etrap Zenanlar guramasynyň bilelikde gurnamagynda Sagdyn zenan-bagtyýar maşgalanyň gözbaşydyr atly şygar astynda geçirilen bu bäsleşige etrabyň orta mekdeplerinde bilim alýan ýokary synp okuwçy gyzlardan düzülen toparlar gatnaşdylar hem-de olar öz aralarynda sportuň woleýbol, tennis, estafeta ylgawy görnüşleri boýunça bäsleşdiler.

Bäsleşik örän gyzykly we çekeleşikli ýagdaýda geçdi. Onda toparlar ukyp başarnyklaryny, ýeňşe bolan höweslerini hem-de şahsy ussatlyklaryny doly açyp görkezdiler. Şeýlelikde sportuň woleýbol görnüşi boýunça geçirilen ýaryş köpleriň ünsini özüne çekip, has gyzykly geçdi. Onda etrabyň 2-nji orta mekdebiniň topary 1-nji orna, 27-nji orta mekdebiniň topary 2-nji, 30-nji orta mekdebiniň topary 3-nji orna, sportuň tennis görnüşi boýunça 8-nji orta mekdebiniň gyzlary 1-nji orna, 15-nji orta mekdebiniň gyzlary 2-nji orna, 5-nji orta mekdebiniň gyzlary 3-nji orna, estafeta ylgawy boýunça 1-nji orna 6-njy orta mekdebiniň gyzlary, 2-nji orna 7-nji orta mekdebiniň gyzlary, 3-nji orna 24-nji orta mekdebiniň gyzlary mynasyp boldular.

Bäsleşigiň ahyrynda ýeňiji bolanlara Kärdeşler arkalaşyklarynyň Tejen etrap birleşmesi tarapyndan ýadygärlik sowgatlar dabaraly ýagdaýda gowşuryldy.

Ogulbagt AÝNAZAROWA,

Türkmenistanyň Kärdeşler arkalaşyklarynyň
Ahal welaýatynyň Tejen etrap
birleşmesiniň işgär
i.