2022-nji ýylyň 12—15-nji dekabry aralygynda Russiýa Federasiýasynyň sebitlerinden orta we iri kärhanalaryň degişli işgärlerinden ybarat bolan wekiliýet ýurdumyza iş sapary bilen geler.

Işewürlik toparynyň bu resmi sapary, Rus-Türkmen işewür geňeşiniň, Russiýa Federasiýasynyň Hökümetiniň Diwanynyň we Russiýanyň Ykdysady ösüş ministrliginiň kömegi bilen guralar.

Saparyň çäklerinde hyzmatdaşlar bilen anyk şertnamalary baglaşylar. Şeýle hem bu resmi sapar Türkmenistanyň işewürlik ýagdaýy, bäsdeşlik we jemgyýetçilik-syýasy gurşawy bilen tanyşmaga, şeýle hem gatnaşyjylaryň her biri üçin işewürlik strategiýasyny işläp düzmäge, logistika ýollaryny emele getirmäge ýardam berer.