Türkmen telekeçileri 2025-nji ýylyň 21-24-nji fewralynda Pekin şäherinde geçiriljek täze energetika ulag serişdeleriniň halkara tehnologiýa sergisine (CINEVE-2025) gatnaşmaga çagyrylýar. Bu barada Türkmenistanyň Söwda we senagat edarasy habar berdi.

Sergä gatnaşmaga isleg bildirýänler üçin çakylyklar «YASN International» kompaniýasynyň “Going Global Plan” taslamasynyň guraýjylary tarapyndan iberildi. Sergi, Hytaýyň öňdebaryjy pudaklaýyn birleşikleri bolan Hytaý awtoulag öndürijiler birleşigi (CAAM) we Hytaý inženerçilik maşyngurluşyk birleşigi (CAPE) bilen hyzmatdaşlykda guralýar.

Serginiň çäklerinde, energetika ulag serişdeleri pudagynda iň täze işläp taýýarlamalar görkeziler. Şeýle hem üpjünçilik zynjyrlary boýunça maslahatlar we halkara forumlar geçiriler. Bu sergi, dünýäniň dürli künjeklerinden gelen hünärmenler üçin täze tehnologiýalar, innowasion çözgütler we hyzmatdaşlyk mümkinçilikleri boýunça netijeli pikir alyşmalar geçirmek üçin möhüm bir mümkinçilik bolar.

Guramaçylar, Türkmenistandan gatnaşyjylar üçin aýratyn pawilýon bölüp berip, işewürlere awtoulag senagaty we täze energetika tehnologiýalary pudagynda öz gazananlaryny tanyşdyrmaga mümkinçilik döredýärler. Bu sergi, Türkmenistanyň telekeçilerine global bazarda öz taslamalaryny we inisiatiwalaryny giňden tanyşdyrmak üçin uly podium we hyzmatdaşlyk mümkinçiligini üpjün eder.

Ogulnar ATAÝEWA,
Berdimuhamet Annaýew adyndaky Arkadag şäher
mugallymçylyk orta hünär okuw mekdebiniň talyby.