Häzirki döwürde oba hojalyk pudagynyň öňünde duran möhüm wezipeleriň biri önümçiligiň netijeliligini ýokarlandyrmak we tebigy serişdeleri tygşytly peýdalanmak arkaly durnukly ösüşi üpjün etmekden ybaratdyr. Ilatyň sanynyň artmagy we howa şertleriniň üýtgemegi oba hojalygynda täze tehnologiýalaryň ornaşdyrylmagynyň zerurlygyny ýüze çykarýar.

Türkmenistanyň oba hojalyk syýasatynda innowasion çemeleşmelere aýratyn ähmiýet berilýär. Sanly dolandyryş ulgamlarynyň, häzirki zaman suwaryş tehnologiýalarynyň hem-de ylmy esaslandyrylan agrotehniki çäreleriň önümçilige ornaşdyrylmagy ýer we suw serişdelerini netijeli peýdalanmaga mümkinçilik berýär.

Oba hojalyk pudagynyň durnukly ösüşini üpjün etmekde ylmy-barlag edaralarynyň işi möhüm ähmiýete eýedir. Täze sortlaryň we tohumlaryň döredilmegi, öňdebaryjy önümçilik tejribeleriniň ornaşdyrylmagy hem-de hünärmenleriň taýýarlanylmagy pudagyň ösüşiniň esasy şertleriniň hatarynda çykyş edýär.

Şeýlelikde, innowasiýa esaslanan oba hojalyk ösüşi azyk howpsuzlygyny üpjün etmek bilen bir hatarda, ýurdumyzyň ykdysady kuwwatynyň ýokarlandyrylmagyna hem-de durnukly ösüş maksatlarynyň üstünlikli amala aşyrylmagyna hyzmat edýär.

Döwran ALLABERDIÝEW,

S.A.Nyýazow adyndaky Türkmen oba hojalyk
uniwersitetiniň talyby.