«Russiýanyň demirýollary» holdinginiň metbugat gullugynyň habar bermegine görä, «Russiýanyň demirýollary» holdingi Aşgabat şäherinde öz wekilhanasyny açmagy meýilleşdirýär.

Häzirki wagtda Türkmenistan bilen Russiýanyň arasynda demir ýol pudagy boýunça 2023 ― 2025-nji ýyllar aralygyndaky Maksatnama doly güýjünde işleýär. Özara kabul edilen resminamanyň maksatlarynyň biri hökmünde rus kompaniýasy ýakyn geljekde Aşgabat şäherinde öz wekilhanasyny açmagy meýilleşdirilýär.

Ýeri gelende belläp geçsek, taraplar Russiýanyň Moskwa şäherinde hem «Türkmendemirýollary» agentliginiň wekilhanasyny açmak üçin iş alyp barýarlar. Bu barada «TASS» habar berýär.