2024-nji ýylyň 11-12-nji noýabrynda, Aşgabatda, bilermenler derejesinde halkara duşuşyk we Möhüm energetika infrastrukturasyny terrorçylykly hüjümlerden goramak boýunça tehniki gollanmanyň ilkinji tanyşdyryş maslahaty geçirildi. Bu barada Türkmenistanyň Daşary işler ministrliginiň web-saýty habar berdi.

Çäräniň guralmagyna Türkmenistanyň Hökümeti, Birleşen Milletler Guramasynyň Terrorçylyga garşy göreşmek müdirligi (UNOCT) we Russiýa Federasiýasynyň Hökümeti gatnaşdy. Iki gün dowam eden maslahatyň maksady, energetika infrastrukturasyna we onuň howplaryna bolan maglumatlary artdyrmak, mundan beýläk bu ugurda öňdebaryjy tejribeleri paýlaşmak we halkara hünärmenlerini bu meseleleriň çözgütlerine goşmakdan ybarat boldy.

Duşuşyga gatnaşanlar, möhüm energetika infrastrukturasyny goramagyň esasy ugurlaryny ara alyp maslahatlaşdylar we halkara derejesinde özara gatnaşyklary işjeňleşdirmek üçin pikir alyşdylar. Çykyş edenler, dürli ýurtlarda alnyp barylýan işleriň möhüm ugurlaryna ünsi çekdiler.

BMG-niň Baş Assambleýasy 2023-nji ýylyň 19-njy dekabrynda, Türkmenistan tarapyndan hödürlenen «Durnukly ösüşi üpjün etmekde ygtybarly we durnukly energiýa birikmesiniň esasy orny» atly kararnamany kabul etdi. Bu kararnama, energiýa kynçylyklaryny ýeňip geçmek üçin halkara hyzmatdaşlygynyň üýtgewsiz we ygtybarly energiýa resurslarynyň serhetüsti ugradylmagyny üpjün etmek baradaky çagyryşy öňe sürýär.

Şeýle hem, BMG-niň Duýgur maksatlary terrorçylyk howplaryndan goramak boýunça ählumumy maksatnamasy, 2021-nji ýyldan bäri agza ýurtlara hünärmenleriň arasyndaky gatnaşyklary ösdürmäge we bu ugurda öňdebaryjy tejribäni paýlaşmaga kömek edýär.

Merjen ANNAGURBANOWA,
Türkmenistanyň Döwlet energetika institutynyň
talyby.