Lebap welaýatynyň Türkmenabat şäherinde "Mizemez gadam" hususy kärhanasy buýan kökünden derman serişdesi, glisirrizin turşusyny öndürýän täze kärhanany açdy. Kärhana her ýyl 390 tonna buýan kökünden dermanlyk serişde öndürip, içerki we daşary ýurt bazarlaryna eksport etmegi maksat edinýär. Bu taslama Türkmenistanyň Prezidenti tarapyndan tassyklanan «Saglyk» Döwlet maksatnamasynyň çäklerinde amala aşyryldy.

Lebap welaýatynda gurlan bu täze kärhananyň gurluşygy Italiýanyň «Adipson Ind. Srl.» kompaniýasynyň taslamasy esasynda amala aşyryldy. Kärhana Türkmenabat — Mary awtomobil ýolunyň ugrundaky senagat zolagynda ýerleşip, Italiýadan getirilen döwrebap enjamlaryň ornaşdyrylmagy bilen üpjün edildi. Kärhananyň işläp başlamagy bilen, ekologik taýdan arassa dermanlyk serişdeleri öndürilip, içerki bazar bilen birlikde daşary ýurtlara hem eksport ediljekdir. Bu barada Türkmen Metbugat habar berýär.

Ýakup ALLAMYRADOW,
Türkmenistanyň Döwlet energetika institutynyň mugallymy