Ýakynda Tejen etrabynyň  Tejen şäher medeniýet öýünde   Türkmenistanyň Kärdeşler arkalaşyklarynyň Ahal welaýatynyň Tejen  etrap birleşmesiniň gurnamagynda  “Milli mirasymyz  genji hazynamyz”  ady bilen   wagyz-nesihat  ýygnagy geçirildi. Ýygnaga etrabyň  çägindäki edara kärhanalarda,  Ylym-bilim,  saglyk ulgamynda  zähmet çekýän  zenanlar gatnaşdylar.

Wagyz-nesihat ýygnagynda çykyş edenler Berkarar döwletiň täze eýýamynyň Galkynyşy  döwründe  hormatly Prezidentimiziň ýolbaşçylygynda aýdyň ýol bilen belentliklerden-belentliklere  barýan watanymyz pajarlap ösýär. Öz akabasyny müňýyllyklaryň gatlaryndan alyp gaýtýan baý  medeni mirasymyzyň,  pederlerimiziň pähim-paýhasyndan jemlenen milli terbiýämiziň,  ajaýyp  däp-dessurlarymyzyň  şu günlere gelip ýetmeginde  zenanlarymyzyň hyzmaty uludyr.  Geljegimiz bolan ýaş gyzlary terbiýelemekde  ösüşlerden-ösüşlere  beslenýän ajaýyp döwrümizde maşgala mukaddeslikleri milli  ýörelge hökmünde dowam etdirilýär. Ýaş  nesillere berilýän terbiýe milli  ýol-ýörelgelerden ugur alýar.  Ýurdumyzda ruhy-medeni  gymmatlyklarymyzy  öwrenmek  we dünýä ýaýmak, milli mirasymyzy  kämilleşdirmek  maksady  bilen wagyz-nesihat  çäreleri ýygy-ýygydan geçirilip durulýar. 

Ýygnaga gatnaşyjylar çykyşlaryň  dowamynda  Milli mirasymyzy dabaralandyrmakda  asylly  başlangyçlary  ýola  goýýan Türkmen Halkynyň Milli Lideri Gahryman Arkadagymyzyň, Arkadagly Gahryman Serdarymyzyň adyna alkyş sözleri beýan edildi.

Aýsoltan Öwezowa,
Türkmenistanyň Kärdeşler arkalaşyklarynyň
Ahal welaýatynyň Tejen  etrap
birleşmesiniň hünärmeni,
Zenanlar guramasynyň işjeň agzasy.