Şu ýylyň 15-nji aprelinde Özbegistanyň paýtagty Daşkent şäherinde “Merkezi Aziýa – Aýlagdaky arap döwletleriň hyzmatdaşlyk geňeşi” strategik dialogyň daşary işler ministrleriniň duşuşygy geçiriler. Bu duşuşyga Merkezi Aziýanyň – Özbegistanyň, Gazagystanyň, Gyrgyzystanyň, Täjigistanyň, Türkmenistanyň, geňeşe agza döwletleriň – Bahreýniň, Kataryň, Kuweýtiň, BAe-niň, Omanyň we Saud Arabystanynyň wekiliýetleriniň gatnaşmagyna garaşylýar.

Duşuşykda Merkezi Aziýa we Aýlagdaky arap döwletleriň hyzmatdaşlyk geňeşiniň 2023-nji ýylyň 19-njy iýulynda Jidde şäherinde geçirilen döwlet Baştutanlarynyň birinji sammitinde gazanylan ylalaşyklaryň durmuşa geçirilmegine degişli meseleler ara alnyp maslahatlaşylar. Şeýle hem syýasy, söwda-ykdysady, maýa goýum, ulag-aragatnaşyk, medeni-ynsanperwer we daşky gurşawy goramak boýunça hyzmatdaşlyk gatnaşyklary ara alnyp maslahatlaşylar.

Mundan başga-da, 2025-nji ýylda Samarkant şäherinde geçiriljek “Merkezi Aziýa – Aýlagdaky arap döwletleriň hyzmatdaşlyk geňeşi” sammitine görülýän taýýarlyklar ara alnyp mashatlaşylar. Duşuşygyň jemleri boýunça bilelikdäki beýanatyň kabul edilmegine garaşylýar.

Merjen ÝAZMEDOWA,
Döwletmämmet Azady adyndaky
Türkmen milli dünýä dilleri
institutynyň talyby.