Ahal welaýatynyň Babadaýhan etrabynyň takyk we iňlis dili okuw derslerini çuňlaşdyryp öwredýän ýöriteleşdirilen 19-njy orta mekdebinde ilkinji Ýaşlar guramasynyň guramagynda «Pähim-paýhas ummany Magtymguly Pyragy» ýylyna bagyşlanyp geçirilen wagyz-nesihat duşuşygynda mekdep okuwçylary we ol ýerde zähmet çekýän mugallymlar işjeň gatnaşdylar.

Wagyz-nesihat duşuşygynda mukaddes Garaşsyzlygymyzyň 33 ýyllyk şanly toýunyň giňden dabaralandyrylýan ýylynda Watanymyzyň jemgyýetçilik-syýasy durmuşynda bolup geçýän taryhy wakalar, halk hojalygynyň dürli ugurlarynda ýetilýän sepgitler, halkymyzyň ýaşaýyş-durmuş derejesini ýokarlandyrmaga gönükdirilen tagallalaryň rowaçlyklara beslenilişi dogrusynda täsirli gürrüň edildi. Ýaşlaryň hünär öwrenmegi, döwrebap şertlerde zähmet çekmegi, gurmagy, döretmegi, ýurdumyzyň ykdysady ösüşlerine saldamly goşant goşmagy babatynda döredilen giň şertlerdir mümkinçilikler barada aýdylanlar gyzgyn goldaw tapdy.

Wagyz-nesihat duşuşyga gatnaşanlar Watanymyzy ösüşlerden ösüşlere alyp barýan, halkymyzy eşretli durmuşda ýaşadýan Gahryman Arkadagymyzyň we Arkadagly Gahryman Serdarymyzyň adyna alkyş sözlerini aýtdylar.

Şöhrat Akmämmedow
TMÝG-niň Babadaýhan etrap
Geňeşiniň guramaçylyk bölüminiň
esasy hünärmeni.