Sanly ulgamlaryň we maglumat tehnologiýalarynyň ösüşi häzirki zaman jemgyýetiniň esasy talaplarynyň birine öwrüldi. Dünýäniň dürli ýurtlarynda sanlylaşdyrma giňden ornaşdyrylýar, we Türkmenistan hem bu ugurda uly üstünliklere eýe bolýar. Maglumat ulgamlary we tehnologiýalary diňe bir işewürlikde däl, eýsem bilimde, saglygy goraýyşda we döwlet dolandyryşynda hem uly mümkinçilikleri hödürleýär.

Türkmenistanda sanlylaşdyrma “Türkmenistanda 2019-2025-nji ýyllar üçin sanly ykdysadyýeti ösdürmegiň konsepsiýasyna” laýyklykda alnyp barylýar. Bu maksatnama ýurdumyzyň ykdysadyýetiniň ähli pudaklarynda maglumat tehnologiýalaryny ornaşdyrmagy we döwrebaplaşdyrmagy göz öňünde tutýar.

Mundan başgada onlaýn okuw ulgamlary we sanly platformalar giňden ulanylýar. Bu, bilimiň hilini ýokarlandyrmaga we maglumatlaryň çalt elýeterliligini üpjün etmäge ýardam edýär. Hususy sektorda bolsa sanly hyzmatlar arkaly bäsdeşlik ukybynyň ýokarlandyrylmagy aýratyn ähmiýete eýedir.

Ýurdumyzda maglumat ulgamlarynyň kämilleşdirilmegi we tehnologiýalaryň giňden ulanylmagy raýatlaryň durmuşyny ýeňilleşdirmek bilen bir hatarda, işewürlikde döwrebap mümkinçilikler döredýär:

    •    Sanly töleg ulgamlary: Türkmen banklarynda we hyzmat merkezlerinde elektron töleg ulgamlary giňden ulanylýar.

    •    Onlaýn söwda: Internetiň elýeterliliginiň ýokarlanmagy bilen, onlaýn söwda we hyzmatlar ösýär.

Maglumat ulgamlary we tehnologiýalar milli ykdysadyýetiň döwrebaplaşdyrylmagyna we durnukly ösüşiň üpjün edilmegine hyzmat edýär. Bu ugurda alnyp barylýan işler dünýä tejribesine laýyklykda ösdürilýär we ýurt üçin täze mümkinçilikleri döredýär.

Jeýhun Jumaşow
Türkmenistanyň Telekommunikasiýalar we informatika institutynyň III ýyl talyby.