Ata Watanymyzda “Saglyk” Döwlet maksatnamasyny durmuşa geçirmek, halkymyzyň ýaşaýşyny, saglyk ýagdaýyny has-da gowulandyrmak, saglygy goraýyş ulgamyny mundan beýläk-de kämilleşdirmek ugrunda uly işler durmuşa geçirilýär. Jemgyýetimizde sagdyn ýurmuş ýörelgeleriniň ornaşdyrylmagy netijesinde kadaly iýmitlenmek, dürli keselleriň öňüni almak, zyýanly endiklerden daşda durmak, zähmet bilen dynç alşy sazlaşykly utgaşdyrmak, arassa howada hereket etmek, sportuň dürli görnüşleri bilen meşgullanmak adata öwrüldi. Ynsan saglygyny goramak baradaky alada esasy wezipeleriň hatarynda bolup, sagdyn jemgyýetiň esaslanmagyna aýdyň ýol açýar. Diýarymyzda Gahryman Arkadagymyzyň tagallasy bilen milli Maksatnamalar üstünlikli hereket edýär, durmuşa geçirilýär. Hormatly Prezidentimiziň “Türkmenistanyň dermanlyk ösümlikleri” atly köp jiltli ylmy kitabyndan ugur alyp, derman ösümlikleriniň peýdaly häsiýetleri dogrusynda hem bellenip geçilýär.

        Ýokanç kesellerden goranmak üçin dürli keselleriň öňüni almak maksady bilen gök bakja önümi bolan limony ary bala goşulan çaý bilen ertirine içmeklik maslahat berilýär. Limon “C” witaminine has hem baýdyr. Bu witaminiň düzümindäki “askorbin turşusy” wiruslara garşy göreşýän öýjükleriň köpelmegine hem uly peýdasy bar. Limon merkezi nerw ulgamynyň işini gowulandyrýar, bedendäki okislenme-dikeldiş hadysalarynyň ählisine gatnaşýar, gan damarlarynyň diwarjyklaryny pugtalandyrýar, bedeniň goraglylygyny güýçlendirýär.