Suw adam bedeninde ýeterlik mukdarda bolup, ol köp babatda adam bedeni üçin peýdalydyr. Ýagny, suw bedeniň içegeler we aşgazan­içege ulgamynyň kadaly işlemegine mümkinçilik berýär. Mundan başga-da, adamlar suwa limon goşup içýärler. Emma lukmanlar limonly suwuň başga­da birnäçe peýdaly taraplaryny belläp geçýärler. Geliň, olaryň käbirlerine seredeliň:

Limon suwunyň kömegi arkaly iýmit siňdiriş ulgamynda hem käbir kynçylyklary aňsat çözüp bolýar. Ýagny, artykmaç iýmitlenilende ýarym limonyň suwuny bir bulgur suwa garyp içmek maslahat berilýär. Şeýlelikde, aşgazandaky agyrlyk gysga wagtda aýrylar.

Limon suwy adamyň göreşijilik ukybyny güýçlendirýär. Ýagny, limonyň düzüminde adamyň göreşijilik ukybyny berkitmäge mümkinçilik berýän «C» witamini bar. Şeýle hem, limon suwy dürli ýokançlyklara, bokurdak agyrylaryna garşy göreşmäge kömek edýär.

Sitrus miwesi garylan suw gan basyşyny kadalaşdyrýar, gany arassalaýar. Limonda kaliý mineralynyň köp bolmagy ýürek damar kesellerine garşy göreşmegiň iň oňat usuly bolup, ýürek bulanmagy, baş aýlanmagy hem aradan aýyrýar.

Limon suwy derini arassalamakda hem täsiri uly bolup, ol düwürtikleri, ýanan ýerleriň hem­de deriniň suwjarýan ýerlerini aýyrmaga mümkinçilik berýär. Limon suwy yzygiderli içilse deriniň garramagyny hem haýalladýar. 

Aýlar SAPARMEDOWA,

Türkmen oba hojalyk institutynyň talyby.